International
'ಜೈಲಿನಲ್ಲಿ ನನಗೆ ಕುರಾನ್ ಅಭ್ಯಾಸಕ್ಕೆ ತಡೆಹಿಡಿದಿದ್ದರು' - ಅಲೆಕ್ಸಿ ನವಾಲ್ನಿ ಆರೋಪ
- Wed, Apr 14 2021 10:27:18 AM
-
ರಷ್ಯಾ, ಎ.14 (DaijiworldNews/PY): ರಷ್ಯಾದ ವಿಪಕ್ಷ ನಾಯಕ ಅಲೆಕ್ಸಿ ನವಾಲ್ನಿ ಅವರು ಸದ್ಯ ಜೈಲಿನಲ್ಲಿ ಉಪವಾಸ ಸತ್ಯಾಗ್ರಹದಲ್ಲಿ ನಿರತರಾಗಿದ್ದಾರೆ. ಶಿಕ್ಷೆಯ ವೇಳೆ ಅವರು ಕುರಾನ್ ಅನ್ನು ಅಭ್ಯಾಸ ಮಾಡಲು ಮುಂದಾಗಿದ್ದು, ಆದರೆ, ಜೈಲಿನ ಅಧಿಕಾರಿಗಳು ಕುರ್‌ ಆನ್‌ ನೀಡದೇ ತಡೆಹಿಡಿದಿದ್ದಾರೆ ಎಂದು ಆರೋಪಿಸಿದ್ದಾರೆ.
ಈ ಬಗ್ಗೆ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಬರೆದುಕೊಂಡಿರುವ ಅವರು, "ಕುರಾನ್ ಕಾರಣದಿಂದಾಗಿ ಮೊದಲ ಬಾರಿಗೆ ನಾನು ನನ್ನ ವಸಾಹತು ಮೊಕದ್ದಮೆ ಹೂಡುತ್ತೇನೆ ಎಂದು ಯಾರು ಭಾವಿಸಿದ್ದರು?. ಹೌದು. ವೈದ್ಯರ ಪ್ರವೇಶಕ್ಕೆ ನಿರಾಕರಿಸಿದ ಕಾರಣದಿಂದಲ್ಲ. ಬಂಧನದ ಪರಿಸ್ಥಿತಿಯಿಂದಲ್ಲ. ಆದರೆ, ಮುಸ್ಲಿಮರ ಪವಿತ್ರ ಗ್ರಂಥದ ಕಾರಣಕ್ಕಾಗಿ" ಎಂದಿದ್ದಾರೆ.
"ವಿಷಯವೇನೆಂದರೆ, ಅವರು ನನ್ನ ಕುರಾನ್ ಅನ್ನು ನನಗೆ ನೀಡುತ್ತಿಲ್ಲ. ಇದು ನನಗೆ ನೋವನ್ನುಂಟು ಮಾಡಿದೆ. ನನ್ನನ್ನು ಮೊದಲು ಜೈಲಿಗೆ ಕಳುಹಿಸಿದಾಗ, ನಾನು ನನ್ನಲ್ಲಿ ಸುಧಾರಣೆಗಳ ಪಟ್ಟಿಯನ್ನು ಮಾಡಿದ್ದೇನೆ. ಆ ಪಟ್ಟಿಯಲ್ಲಿ ಕುರಾನ್ ಅಧ್ಯಯನ ಹಾಗೂ ಪ್ರವಾದಿಯವರ ಸುನ್ನತ್‌ ಅನ್ನು ಆಳವಾಗಿ ಅಧ್ಯಯನ ಮಾಡಿ ಅರ್ಥೈಸಿಕೊಳ್ಳುವುದು ಕೂಡಾ ಒಂದು" ಎಂದು ತಿಳಿಸಿದ್ದಾರೆ.
"ನಾನು ರಷ್ಯಾದ ಮುಸ್ಲಿಮೇತರ ರಾಜಕಾರಣಿಗಳ ನಡುವೆ ಕುರಾನ್ ಚಾಂಪಿಯನ್‌ ಆಗಬೇಕು ಎಂದು ತೀರ್ಮಾನ ಮಾಡಿದ್ದೆ. ನಾನು ಈ ಮೊದಲು ಕುರಾನ್ ಅನ್ನು ಓದಿದ್ದೆ. ಆದರೆ, ಏನೂ ಅರ್ಥವಾಗಿರಲಿಲ್ಲ. ಎಲ್ಲರಂತೆ ನಾನೂ ಸುಮ್ಮನೆ ಟಿಕ್‌ ಮಾಡಲು ಓದಿದ್ದೇನೆ. ಆದರೆ, ನನಗೆ ಏನೂ ಅರ್ಥವಾಗಿರಲಿಲ್ಲ. ಇದು ನನಗೆ ಸಾಕಾಗುವುದಿಲ್ಲ" ಎಂದಿದ್ದಾರೆ.
"ಓರ್ವ ಕ್ರೈಸ್ತನಾಗಿ ನಾನು ಕುರಾನ್ ಅಧ್ಯಯನ ಮಾಡುವುದು ನನ್ನ ಅವಶ್ಯಕತೆ ಎನ್ನುವುದನ್ನು ನಾನು ತಿಳಿದುಕೊಂಡೆ. ಅದನ್ನು ನಾನು ಹೃದಯದಿಂದ ಕಲೆಯುತ್ತೇನೆ ಎಂದು ತೀರ್ಮಾನಿಸಿದೆ" ಎಂದು ಹೇಳಿದ್ದಾರೆ.
"ಒಂದು ತಿಂಗಳ ಹಿಂದೆ ನಾನು ಇಲ್ಲಿಗೆ ಬಂದೆ. ಒಂದು ರಾಶಿ ಪುಸ್ತಕವನ್ನು ಆರ್ಡರ್ ಮಾಡಿದೆ. ಆದರೆ, ಈವರೆಗೆ ಒಂದೇ ಒಂದು ಪುಸ್ತಕವನ್ನು ನೀಡಿಲ್ಲ. ಅದರಲ್ಲಿ ಉಗ್ರವಾದವಿದೆಯೇ? ಎಂದು ಪರೀಕ್ಷಿಸಬೇಕು" ಎಂದು ಹೇಳುತ್ತಾರೆ ಎಂದಿದ್ದಾರೆ.
"ಕುರಾನ್‌‌ನಲ್ಲಿ ನೀವು ಉಗ್ರವಾದವನ್ನು ಪರಿಶೀಲಿಸುತ್ತೀರಾ?. ಇದು ಅವಿವೇಕಿ ಹಾಗೂ ಕಾನೂನುಬಾಹಿರ. ಒಂದು ತಿಂಗಳಿನಿಂದ ನಾನು ಈ ಸಂವಾದವನ್ನು ನಿರಂತರವಾಗಿ ನಡೆಸುತ್ತಿದ್ದೇನೆ. ಹಾಗಾಗಿ ಮುಖ್ಯಸ್ಥರಿಗೆ ಮತ್ತೊಂದು ಹೇಳಿಕೆ ಬರೆದು ಮೊಕದ್ದಮೆ ಹೂಡಿದೆ. ಸರಿ, ನಾನು ಎಷ್ಟು ದಿನ ಸಹಿಸಿಕೊಳ್ಳಬಲ್ಲೆ. ಈಗ ಏನು, ಮತ್ತು ನನ್ನ ಸ್ವಂತ ಕುರಾನ್ ಅನ್ನು ಓದಲಾಗುವುದಿಲ್ಲವೇ? ಇದಲ್ಲದೆ, ಈಗ, ಉಪವಾಸದ 13 ನೇ ದಿನದಂದು, ನಾನು ತುಂಬಾ ತಾತ್ವಿಕ ಮನಸ್ಥಿತಿಯಲ್ಲಿದ್ದೇನೆ" ಎಂದು ತಿಳಿಸಿದ್ದಾರೆ.
"ಇಲ್ಲಿ ನಮಗೆ ಪುಸ್ತಕಗಳು ಎಲ್ಲವೂ ಆಗಿದೆ. ಓದುವ ಹಕ್ಕಿಗಾಗಿ ಮೊಕದ್ದಮೆ ಹೂಡಬೇಕಾದರೆ, ನಾನು ಮೊಕದ್ದಮೆ ಹೂಡುತ್ತೇನೆ" ಎಂದಿದ್ದಾರೆ.
ಚಾನಲ್ ಫಾಲೋ ಮಾಡಿ
