ಪೆರುವಿನಲ್ಲಿ ಸೇನಾ ಹೆಲಿಕಾಫ್ಟರ್‌ ಪತನ - ಐವರು ಸೈನಿಕರು ಮೃತ್ಯು

•   Sun, Apr 18 2021 11:12:11 AM



• ಲಿಮಾ, ಎ.18 (DaijiworldNews/PY): "ಪೆರು ದೇಶದ ಕುಸ್ಕೊ ಪ್ರಾಂತ್ಯದಲ್ಲಿ ಸೇನೆಯ ಹೆಲಿಕಾಫ್ಟರ್‌‌ ಪತನಗೊಂಡ ಪರಿಣಾಮ ಐವರು ಪೆರು ಸೇನೆಯ ಸೈನಿಕರು ಸಾವನ್ನಪ್ಪಿದ್ದಾರೆ" ಎಂದು ಸಶಸ್ತ್ರ ಪಡೆಗಳ ಜಂಟಿ ಕಮಾಂಡ್‌‌ ತಿಳಿಸಿದೆ.

  

  "ಎಪ್ರಿಲ್‌‌ 17ರ ಶನಿವಾರ ಈ ಅಪಘಾತ ಸಂಭವಿಸಿದ್ದು, 12 ಸೈನಿಕರನ್ನು ಹೊತ್ತ ಹೆಲಿಕಾಫ್ಟರ್‌‌ ಅಕ್ರಮ ಮಾದಕವಸ್ತು ಕಳ್ಳ ಸಾಗಣೆ ವಿರುದ್ದ ಜಾಗೃತ ಕಾರ್ಯಾಚರಣೆ ಕೈಗೊಂಡಿತ್ತು" ಎಂದು ಸಿಸಿಎಫ್‌ಎಫ್‌ಎ ಟ್ವಿಟ್ಟರ್‌ನಲ್ಲಿ ತಿಳಿಸಿದೆ.

  "ಯಾಂತ್ರಿಕ ವೈಫಲ್ಯದ ಪರಿಣಾಮ ಈ ಅಪಘಾತ ಸಂಭವಿಸಿದ್ದು, ಇದರಿಂದಾಗಿ ಹೆಲಿಕಾಫ್ಟರ್‌ ವಿಲ್ಕಾನೋಟಾ ನದಿಗೆ ಅಪ್ಪಳಿಸಿದೆ" ಎಂದು ಸಿಸಿಎಫ್‌ಎಫ್‌ಎ ತಿಳಿಸಿದೆ.

  "ಸಶಸ್ತ್ರ ಪಡೆಗಳ ಜಂಟಿ ಕಮಾಂಡ್‍ ಸಶಸ್ತ್ರ ಪಡೆಗಳ ಸಿಬ್ಬಂದಿಗಳ ಸಾವಿಗೆ ವಿಷಾಧಿಸುತ್ತಿದೆ. ಮೃತರ ಕುಟುಂಬಕ್ಕೆ ಸಂತಾಪ ವ್ಯಕ್ತಪಡಿಸಿದೆ" ಎಂದು ಪ್ರಕಟಣೆ ತಿಳಿಸಿದೆ.