ಕೈರೋದಲ್ಲಿ ಭೀಕರ ರೈಲು ಅಪಘಾತ - 11 ಮಂದಿ ಮೃತ್ಯು, 100 ಮಂದಿಗೆ ಗಾಯ

•   Mon, Apr 19 2021 11:01:22 AM



• ಕೈರೋ, ಎ.19 (DaijiworldNews/PY): ಈಜಿಫ್ಟ್‌ ರಾಜಧಾನಿ ಕೈರೋದ ಉತ್ತರ ಭಾಗದಲ್ಲಿ ಸಂಭವಿಸಿದ ರೈಲು ಅಪಘಾತದಲ್ಲಿ 11 ಮಂದಿ ಸಾವನ್ನಪ್ಪಿ‌ದ್ದು, 100ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ.

  

  ರೈಲು ಕೈರೋದಿಂದ ನೈಲ್‌‌ ಡೆಲ್ಟಾ ನಗರ ಮನ್ಸೌರಾಗೆ ಹೋಗುತ್ತಿದ್ದ ಸಂದರ್ಭ ರೈಲಿನ ನಾಲ್ಕು ಬೋಗಿಗಳು ಹಳಿ ತಪ್ಪಿದ ಪರಿಣಾಮ ದುರಂತ ಸಂಭವಿಸಿದೆ.

  ಘಟನಾ ಸ್ಥಳಕ್ಕೆ 12ಕ್ಕೂ ಧಿಕ ಆಂಬುಲೆನ್ಸ್‌‌ಗಳನ್ನು ರವಾನಿಸಲಾಗಿದ್ದು, ಗಾಯಾಳುಗಳನ್ನು ರಕ್ಷಣೆ ಮಾಡಲಾಗಿದೆ. ಸೇನೆಯ ನೆರವಿನೊಂದಿಗೆ ರಕ್ಷಣಾ ಕಾರ್ಯಾಚರಣೆ ಕೈಗೊಳ್ಳಲಾಗಿದೆ.

  "ಘಟನೆಯ ಬಗ್ಗೆ ತನಿಖೆ ಕೈಗೊಳ್ಳಲಾಗಿದೆ" ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.