ಮೆಕ್ಸಿಕೊ: ರಸ್ತೆ ಮೇಲೆ ಕುಸಿದು ಬಿದ್ದ ಮೆಟ್ರೋ ಮೇಲ್ಸೆತುವೆ - 13 ಸಾವು , 70ಮಂದಿಗೆ ಗಾಯ

•   Tue, May 04 2021 12:27:38 PM



• ಮೆಕ್ಸಿಕೊ, ಮೇ 4 (DaijiworldNews/MS): ಮೆಕ್ಸಿಕೊ ನಗರದಲ್ಲಿ ಓವರ್‌ಪಾಸ್ ಮುರಿದು,  ರಸ್ತೆ ಮೇಲೆ  ಮೆಟ್ರೋ ರೈಲು ಕುಸಿದುಬಿದ್ದು ಸಂಭವಿಸಿದ ಭೀಕರ ದುರಂತದಲ್ಲಿ 13 ಜನರು ಸಾವನ್ನಪ್ಪಿದ್ದು, 70 ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

   

  ದುರಂತದ ಬಗ್ಗೆ ಮೆಕ್ಸಿಕೊ ನಗರದ ನಾಗರಿಕ ಸಂರಕ್ಷಣಾ ಸಂಸ್ಥೆಯೂ " ಮೆಕ್ಸಿಕೊದ ರಾಜಧಾನಿಯ ದಕ್ಷಿಣದಲ್ಲಿ ಸೋಮವಾರ ರಾತ್ರಿ ಸ್ಥಳೀಯ ಸಮಯ 10: 30 ಸಂಭವಿಸಿದ ಅಪಘಾತದಲ್ಲಿ ಸುಮಾರು 70 ಜನರು ಗಾಯಗೊಂಡಿದ್ದಾರೆ " ಎಂದು ಟ್ವೀಟ್ ಮಾಡಿದೆ.

  ಸ್ಥಳೀಯ ಚಾನೆಲ್ ಮಿಲೆನಿಯೊ ಟಿವಿಯಲ್ಲಿನ ವೀಡಿಯೋ ದೃಶ್ಯಾವಳಿ ಪ್ರಕಾರ , ಕೆಳಗೆ ರಸ್ತೆಯಲ್ಲಿ ಓಡಾಡುತ್ತಿದ್ದ ಕಾರುಗಳ ಮೇಲೆ ಓವರ್‌ಪಾಸ್ ಕುಸಿಯುತ್ತಿದೆ ಎಂದು ತೋರಿಸುತ್ತಿದೆ"

  ಮೆಕ್ಸಿಕೊ ನಗರದ ಮೇಯರ್ ಕ್ಲೌಡಿಯಾ ಶೀನ್ಬಾಮ್ ಅಪಘಾತದ ಸ್ಥಳಕ್ಕೆ ಪ್ರಯಾಣಿಸಿ ಟ್ವಿಟ್ಟರ್ ನಲ್ಲಿ "ಅಗ್ನಿಶಾಮಕ ದಳ, ಸಾರ್ವಜನಿಕ ಸುರಕ್ಷತಾ ಸಿಬ್ಬಂದಿ ಕೆಲಸ ಮಾಡುತ್ತಿದ್ದಾರೆ. ವಿವಿಧ ಆಸ್ಪತ್ರೆಗಳು ಭಾಗವಹಿಸುತ್ತಿವೆ. ಶೀಘ್ರದಲ್ಲೇ ಹೆಚ್ಚಿನ ಮಾಹಿತಿ ನೀಡುತ್ತೇವೆ" ಎಂದು ಹೇಳಿದ್ದಾರೆ.