ರಷ್ಯಾದ ಶಾಲೆಯಲ್ಲಿ ಬಂದೂಕುದಾರಿಗಳಿಂದ ಗುಂಡಿನ ದಾಳಿ - 11 ಮಂದಿ ಮೃತ್ಯು

•   Tue, May 11 2021 04:37:57 PM



• ಮಾಸ್ಕೊ, ಮೇ.11 (DaijiworldNews/PY): ಮಧ್ಯ ರಷ್ಯಾದ ಕಜಾನ್‌‌ ನಗರದ ಹೈಸ್ಕೂಲ್‌ವೊಂದರಲ್ಲಿ ಮಂಗಳವಾರ ಗುಂಡಿನ ದಾಳಿ ನಡೆದಿದ್ದು, ಒಂಭತ್ತು ಮಂದಿ ಸಾವನ್ನಪ್ಪಿದ್ದಾರೆ ಎಂದು ಸ್ಥಳೀಯ ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದೆ.

  

  ಟಾಟರ್ಸ್ತಾನ ಗಣರಾಜ್ಯದ ಕಜಾನ್‌ ನಗರದ ಕ್ರಮಸಂಖ್ಯೆ 175ನೇ ಶಾಲೆಯಲ್ಲಿ ಇಬ್ಬರು ಬಂದೂಕುದಾರಿಗಳು ಗುಂಡಿನ ದಾಳಿ ನಡೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

  ಘಟನೆಯಲ್ಲಿ 17 ವರ್ಷದ ದಾಳಿಕೋರನೊರ್ವನನ್ನು ಪೊಲೀಸದರು ಬಂಧಿಸಿದ್ದಾರೆ. ಇನ್ನೋರ್ವ ದಾಳಿಕೋರ ಶಾಲೆಯೊಳಗಿದ್ದಾನೆ. ದಾಳಿಯಲ್ಲಿ ಸಾವನ್ನಪ್ಪಿದರವ ಪೈಕಿ ವಿದ್ಯಾರ್ಥಿಗಳೇ ಹೆಚ್ಚಿದ್ದು, ಓರ್ವ ಶಿಕ್ಷಕ ಸಾವನ್ನಪ್ಪಿದ್ದಾರೆ. ಪೊಲೀಸರು ಶಾಲೆಯ ನಾಲ್ಕನೇ ಅಂತಸ್ತನ್ನು ಮುಚ್ಚಿದ್ದು, ಮತ್ತೋರ್ವ ದಾಳಿಕೋರನನ್ನು ಬಂಧಿಸಲು ಯತ್ನಿಸುತ್ತಿದ್ದಾರೆ ಎಂದು ಸುದ್ದಿಸಂಸ್ಥೆಯೊಂದು ವರದಿ ಮಾಡಿದೆ.