ಚೀನಾದ ವುಹಾನ್‌ ಪ್ರದೇಶದಲ್ಲಿ ಪ್ರಬಲ ಬಿರುಗಾಳಿ - 7 ಮಂದಿ ಮೃತ್ಯು

•   Sat, May 15 2021 01:36:16 PM



• ಬಿಜೀಂಗ್‌, ಮೇ.15 (DaijiworldNews/HR): ಎರಡು ಪ್ರಬಲ ಬಿರುಗಾಳಿ ಬೀಸಿ 7 ಮಂದಿ ಮೃತಪಟ್ಟು, 239 ಮಂದಿ ಗಾಯಗೊಂಡ ಘಟನೆ ಚೀನಾದ ವುಹಾನ್‌ ಮತ್ತು ಸೂಜೌ ಪ್ರದೇಶದಲ್ಲಿ ನಡೆದಿದೆ.

  

  ವುಹಾನ್‌ನಲ್ಲಿ ಪ್ರತಿ ಸೆಕೆಂಡಿಗೆ 23.9 ಮೀಟರ್‌ ವೇಗದಲ್ಲಿ ಶುಕ್ರವಾರ ರಾತ್ರಿ ಬಿರುಗಾಳಿ ಬೀಸಿದ್ದು, ಈ ಬಿರುಗಾಳಿಯಲ್ಲಿ ಆರು ಮಂದಿ ಮೃತಪಟ್ಟಿದ್ದು, 218 ಮಂದಿ ಗಾಯಗೊಂಡು ಅನೇಕ ಕಟ್ಟಡಗಳು, ಮರಗಳು ಉರುಳಿವೆ ಎಂದು ವರದಿಯಾಗಿದೆ.

  ಇನ್ನು ಈ ಬಿರುಗಾಳಿಯಲ್ಲಿ 27 ಮನೆಗಳು, ಎರಡು ಕ್ರೇನ್‌ಗಳು ಮತ್ತು 8000 ಚದರ ಮೀಟರ್‌ನ ನಿರ್ಮಾಣ ಸ್ಥಳದಲ್ಲಿದ್ದ ಶೆಡ್‌ಗಳು ಹಾನಿಯಾಗಿವೆ ಎಂಬುದಾಗಿ ಸ್ಥಳೀಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  ಸೂಜೌನ ಶೆಂಗ್ಜೆ ಪಟ್ಟಣದಲ್ಲಿ ಶುಕ್ರವಾರ ರಾತ್ರಿ 7 ಗಂಟೆಗೆ ಮತ್ತೊಂದು ಬಿರುಗಾಳಿ ಬಿಸಿ ಇದರಲ್ಲಿ ಒಬ್ಬ ವ್ಯಕ್ತಿ ಮೃತಪಟ್ಟು, 21 ಮಂದಿ ಗಾಯಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ.