ಚೀನಾದಲ್ಲಿ ಹವಾಮಾನ ವೈಪರೀತ್ಯ - ಕ್ರಾಸ್ ಕಂಟ್ರಿ ಮ್ಯಾರಥಾನ್‌‌‌‌‌‌ ‌‌‌‌‌ಓಟದಲ್ಲಿ ಪಾಲ್ಗೊಂಡಿದ್ದ 21 ಮಂದಿ ಮೃತ್ಯು

•   Sun, May 23 2021 01:16:07 PM



• ಬೀಜಿಂಗ್‌, ಮೇ.23 (DaijiworldNews/PY): "ವಾಯುವ್ಯ ಚೀನಾದಲ್ಲಿ ಹವಾಮಾನ ವೈಪರೀತ್ಯದ ಹಿನ್ನೆಲೆ 100 ಕಿ.ಮೀ ಕ್ರಾಸ್ ಕಂಟ್ರಿ ಮ್ಯಾರಥಾನ್‌‌‌‌‌‌ ಓಟದಲ್ಲಿ ಪಾಲ್ಗೊಂಡಿದ್ದ 21 ಮಂದಿ ಓಟಗಾರರು ಸಾವನ್ನಪ್ಪಿದ್ದು, ಐದು ಮಂದಿ ಕಾಣೆಯಾಗಿದ್ದಾರೆ" ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ವಾಯುವ್ಯ ಗಾನ್ಸು ಪ್ರಾಂತ್ಯದ ಬೈಯಿನ್ ಸಿಟಿ ಬಳಿ ನಡೆದ ಸ್ಪರ್ಧೆಯ ಸಂದರ್ಭ ಆಲಿಕಲ್ಲು, ಹೆಪ್ಪುಗಟ್ಟುವ ಮಳೆ ಹಾಗೂ ಹೆಚ್ಚಿನ ಗಾಳಿಯ ಹೊಡೆತದ ಪರಿಣಾಮ 21 ಮಂದಿ ಓಟಗಾರರು ಮೃತಪಟ್ಟಿದ್ದಾರೆ.

  ಓಟದಲ್ಲಿ ಒಟ್ಟು 172 ಮಂದಿ ಪಾಲ್ಗೊಂಡಿದ್ದು, ಈ ಪೈಕಿ 151 ಮಂದಿ ಸುರಕ್ಷಿತವಾಗಿದ್ದಾರೆ. 8 ಮಂದಿಗೆ ಗಾಯಗಳಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

  ಕಾಣೆಯಾದ ಓಟಗಾರರನ್ನು ಪತ್ತೆಹಚ್ಚಲು 700 ಕ್ಕೂ ಅಧಿಕ ರಕ್ಷಕರನ್ನು ನಿಯೋಜನೆ ಮಾಡಲಾಗಿದೆ ಎಂದು ಚೀನಾದ ಮಾಧ್ಯಮಗಳು ವರದಿ ಮಾಡಿವೆ.