ವಿಮಾನ ಪತನ - 'ಟಾರ್ಜನ್' ನಟ ಜೋ ಲಾರಾ ಸೇರಿದಂತೆ 7 ಮಂದಿ ಮೃತ್ಯು

•   Mon, May 31 2021 01:03:42 PM



• ವಾಷಿಂಗ್ಟನ್, ಮೇ.31 (DaijiworldNews/HR): ಅಮೇರಿಕಾದ ನಾಶ್‌ವಿಲ್ ನಗರದ ಸಮೀಪ ಸಂಭವಿಸಿದ ವಿಮಾನ ದುರಂತದಲ್ಲಿ ಟಾರ್ಜನ್ ನಟ ಜೋ ಲಾರಾ ಮತ್ತು ಪತ್ನಿ ಸೇರಿದಂತೆ 7 ಮಂದಿ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ.

  

  ನಾಶ್‌ವಿಲ್ ನಗರದಿಂದ 19 ಕಿಲೋಮೀಟರ್‌ ದೂರದಲ್ಲಿರುವ ಪೆರ್ಸಿ ಪ್ರೀಸ್ಟ್‌ ಸರೋವರದಲ್ಲಿ ವಿಮಾನ ಪತನಗೊಂಡು ಎಲ್ಲ 7 ಮಂದಿ ಪ್ರಯಾಣಿಕರು ಮೃತಪಟ್ಟಿದ್ದರು.

  ಸ್ಥಳೀಯ ಕಾಲಮಾನ ಶನಿವಾರ ಬೆಳಿಗ್ಗೆ 11 ಗಂಟೆಗೆ ವಿಮಾನ ಪತನಗೊಂಡಿದ್ದು, ಸ್ಮಿರ್ನಾದ ಟೆನ್ನೆಸ್ಸೀ ವಿಮಾನ ನಿಲ್ದಾಣದಿಂದ ಫ್ಲಾರಿಡಾದ ಪಾಮ್ ಬೀಚ್‌ಗೆ ಹೊರಟಿದ್ದ ಲಘು ವಿಮಾನ ಟೇಕಾಫ್‌ ಆದ ಕೆಲವೇ ಕ್ಷಣಗಳಲ್ಲಿ ಪತನವಾಗಿದೆ ಎಂದು ರುದರ್‌ಫೋರ್ಡ್‌ ಕೌಂಟಿಯ ಅಗ್ನಿಶಾಮಕ ಮತ್ತು ರಕ್ಷಣಾ ದಳದ ಅಧಿಕಾರಿಗಳು ತಿಳಿಸಿದ್ದರು.

  ಇನ್ನು ಜೋ ಲಾರಾ (ವಿಲಿಯಂ ಜೋಸೆಫ್ ಲಾರಾ) ಅಮೇರಿಕಾದ ಖ್ಯಾತ ನಟನಾಗಿದ್ದು, ಮಾರ್ಷಲ್ ಆರ್ಟಿಸ್ಟ್ ಹಾಗೂ ಮ್ಯೂಸಿಷಿಯನ್ ಕೂಡ ಆಗಿದ್ದಾರೆ.