ಪಾಕ್ ನಲ್ಲಿ ಭೀಕರ ರಸ್ತೆ ಅಪಘಾತ - 18 ಸಾವು , 30ಜನರಿಗೆ ಗಾಯ

•   Fri, Jun 11 2021 12:34:53 PM



• ಬಲೂಚಿಸ್ತಾನ, ಜೂ 11 (DaijiworldNews/MS): ಪಾಕಿಸ್ತಾನದ ಬಲೂಚಿಸ್ತಾನ ಪ್ರಾಂತ್ಯದಲ್ಲಿ ನಡೆದ ಭೀಕರ ಬಸ್ ಅಪಘಾತದಲ್ಲಿ ಕನಿಷ್ಠ 18 ಪ್ರಯಾಣಿಕರು ಮೃತಪಟ್ಟು 30 ಕ್ಕೂ ಹೆಚ್ಚು ಜನರು ಗಾಯಗೊಂಡಿರುವ ಘಟನೆ ನಡೆದಿದೆ.

  

  ಸಾಂದರ್ಭಿಕ ಚಿತ್ರ 

  ಖುಜ್ದಾರ್ ಜಿಲ್ಲೆಯಲ್ಲಿ ಬಸ್ ಅತಿ ವೇಗದಲ್ಲಿ ತೀವ್ರ ತಿರುವು ಪಡೆಯುತ್ತಿದ್ದಾಗ ಅಪಘಾತ ಸಂಭವಿಸಿದೆ ಎಂದು ಅಲ್ಲಿನ ಸ್ಥಳೀಯ ಮಾಧ್ಯಮ ಜಿಯೋ ನ್ಯೂಸ್ ವರದಿ ಮಾಡಿದೆ. ಪ್ರಾಂತ್ಯದ ಅರೆಸೈನಿಕ ಪಡೆಗಳ ಪ್ರಕಾರ, ಬಲಿಪಶುಗಳನ್ನು ಖುಜ್ದಾರ್ ನ ಸ್ಥಳೀಯ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ ಮತ್ತು ಗಾಯಗೊಂಡವರಲ್ಲಿ ಆರು ಜನರ ಸ್ಥಿತಿ ಚಿಂತಾಜನಕವಾಗಿದೆ.

  ಪ್ರಯಾಣಿಕರ ಬಸ್ ಸಿಂಧ್ ಪ್ರಾಂತ್ಯದ ಲರ್ಕಾನಾ ಜಿಲ್ಲೆಯಿಂದ ಖುಜ್ದಾರ್‌ಗೆ ತೆರಳುತ್ತಿತ್ತು.

  ಈ ವಾರದ ಆರಂಭದಲ್ಲಿ, ಸಿಂಧ್ ಪ್ರಾಂತ್ಯದ ಎರಡು ರೈಲುಗಳ ನಡುವೆ ಡಿಕ್ಕಿ ಹೊಡೆದ ಪರಿಣಾಮ 62 ಜನರು ಸಾವನ್ನಪ್ಪಿದ್ದರು.