ಢಾಕಾದಲ್ಲಿ ನಿಗೂಢ ಸ್ಪೋಟ - 7 ಮಂದಿ ಮೃತ್ಯು, ಹಲವರಿಗೆ ಗಂಭೀರ ಗಾಯ

•   Mon, Jun 28 2021 10:17:13 AM



• ಢಾಕಾ, ಜೂ 28 (DaijiworldNews/PY): ಢಾಕಾದ ವಾಣಿಜ್ಯ ಸಂಕೀರ್ಣವೊಂದರಲ್ಲಿ ಸಂಭವಿಸಿದ ಸ್ಪೋಟದ ಪರಿಣಾಮ 7 ಮಂದಿ ಸಾವನ್ನಪ್ಪಿ, ಹಲವು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.

  

  "ಮೋಘಾಬಜಾರ್‌ನಲ್ಲಿ ಈ ಘಟನೆ ಸಂಭವಿಸಿದ್ದು, ಸ್ಪೋಟಕ್ಕೆ ನಿಖರವಾದ ಕಾರಣ ತಿಳಿದುಬಂದಿಲ್ಲ" ಎಂಡು ಢಾಕಾ ಪೊಲೀಸ್‌ ಕಮೀಷನರ್‌‌ ಶಫಿಕವುಲ್ಲಾ ಇಸ್ಮಾ ಮಾಹಿತಿ ನೀಡಿದ್ದಾರೆ.

  "ಸ್ಫೋಟದ ಪರಿಣಾಮ ಏಳು ಕಟ್ಟಡಗಳು ಜಖಂಗೊಂಡಿದ್ದು ಹತ್ತಕ್ಕೂ ಅಧಿಕ ಮಂದಿಗೆ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಘಟನಾ ಸ್ಥಳವನ್ನು ಬಾಂಬ್‌ ನಿಷ್ಕ್ರಿ ದಳ ಹಾಗೂ ಭಯೋತ್ಪಾದನೆ ನಿಗ್ರಹ ಪಡೆ ವಶಕ್ಕೆ ಪಡೆದುಕೊಂಡಿದ್ದು, ಘಟನೆಗೆ ನಿಖರ ಕಾರಣವೇನು ಎನ್ನುವುದರ ಬಗ್ಗೆ ತನಿಖೆ ನಡೆಯುತ್ತಿದೆ" ಎಂದು ಹೇಳಿದ್ದಾರೆ.

  ಘಟನೆ ನಡೆದ ಸ್ಥಳದ ಹೋಟೆಲ್‌ವೊಂದರಲ್ಲಿ ಗ್ಯಾಸ್‌ ಲೈನ್‌ ಇದ್ದು ಬಹುಶಃ ಗ್ಯಾಸ್‌ ಲೈನ್‌ ಸ್ಪೋಟಗೊಂಡಿದೆ ಎಂದು ಕೆಲವು ವರದಿಗಳು ವಿವರಿಸಿವೆ.