ಫಿಲಿಪೈನ್ಸ್‌ನಲ್ಲಿ ಮಿಲಿಟರಿ ವಿಮಾನ ಅಪಘಾತ - 17 ಮಂದಿ ಮೃತ್ಯು, 40 ಜನರ ರಕ್ಷಣೆ

•   Sun, Jul 04 2021 03:31:05 PM



• ಮನಿಲಾ, ಜು 04 (DaijiworldNews/PY): 85 ಮಂದಿಯನ್ನು ಹೊತ್ತು ಸಾಗುತ್ತಿದ್ದ ಮಿಲಿಟರಿ ವಿಮಾನವೊಂದು ಭಾನುವಾರ ಅಪಘಾತಕ್ಕೀಡಾಗಿ 17 ಮಂದಿ ಮೃತಪಟ್ಟಿರುವ ಘಟನೆ ದಕ್ಷಿಣ ಫಿಲಿಪೈನ್ಸ್‌ನಲ್ಲಿ ನಡೆದಿದೆ.

  

  "ಫಿಲ್ಲಿಫೈನ್ಸ್‌‌‌ನ ಸುಲು ಪ್ರಾಂತ್ಯದ ಜೊಲೋ ದ್ವೀಪದಲ್ಲಿ ವಿಮಾನ ಇಳಿಯಲು ಯತ್ನಿಸುತ್ತಿದ್ದ ಸಂದರ್ಭ ಈ ಘಟನೆ ಸಂಭವಿಸಿದೆ" ಎಂದು ಜನರಲ್ ಸಿರಿಲಿಟೊ ಸೊಬೆಜಾನಾ ತಿಳಿಸಿದ್ದಾರೆ.

  ಫಿಲಿಪೈನ್ ವಾಯುಪಡೆಯ ಸಿ -130 ವಿಮಾನದ ಭಗ್ನಾವಶೇಷದಿಂದ ಸುಮಾರು 40 ಜನರನ್ನು ರಕ್ಷಿಸಲಾಗಿದ್ದು, 17 ಮಂದಿ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ.

  ಇತ್ತೀಚೆಗೆ ಮೂಲಭೂತ ಮಿಲಿಟರಿ ತರಬೇತಿಯಿಂದ ಹೆಚ್ಚಿ ವಿದ್ಯಾರ್ಥಿಗಳು ಪದವಿ ಪಡೆದಿದ್ದರು. ಭಯೋತ್ಪಾದನೆಯ ವಿರುದ್ದ ಹೋರಾಡುವ ಜಂಟಿ ಕಾರ್ಯಪಡೆ ಭಾಗವಾಗಿ ದ್ವೀಪವೊಂದಕ್ಕೆ ನಿಯೋಜನೆ ಮಾಡಲಾಗಿತ್ತು.