ಒಮಾನ್‌: ತೈಲ ಟ್ಯಾಂಕರ್‌ ಮೇಲೆ ಡ್ರೋನ್‌ ದಾಳಿ - ಇಬ್ಬರು ಮೃತ್ಯು

•   Sat, Jul 31 2021 12:24:53 PM



• ದುಬೈ, ಜು 31 (DaijiworldNews/PY): ಒಮಾನ್‌ ಕರಾವಳಿಯ ಅರೇಬಿಯನ್‌‌‌ ಸಮುದ್ರದಲ್ಲಿದ್ದ ತೈಲ ಟ್ಯಾಂಕರ್‌ ಅನ್ನು ಗುರಿಯಾಗಿಸಿ ನಡೆಸಿದ ಟ್ರೋನ್‌ ದಾಳಿಯಲ್ಲಿ ಇಬ್ಬರು ಸಾವನ್ನಪ್ಪಿದ್ದಾರೆ ಎಂದು ಅಮೇರಿಕಾ ಸೇನೆ ಶನಿವಾರ ತಿಳಿಸಿದೆ.

  

  ಗುರುವಾರ ರಾತ್ರಿ ಮರ್ಸರ್‌ ಸ್ಟ್ರೀಟ್‌ನಲ್ಲಿ ತೈಲ ಟ್ಯಾಂಕರ್‌ ಮೇಲೆ ಈ ದಾಳಿ ನಡೆದಿದೆ. ವಾಣಿಜ್ಯ ಹಡಗುಗಳ ಮೇಲೆ ಹಲವು ವರ್ಷಗಳ ದಾಳಿಯ ನಂತರ ಮೊದಲ ಬಾರಿಗೆ ಈ ದಾಳಿ ನಡೆಸಲಾಗಿದೆ.

  "ಯಾರೂ ಕೂಡಾ ಈ ದಾಳಿಯ ಹೊಣೆಯನ್ನು ಹೊತ್ತುಕೊಂಡಿಲ್ಲ. ಆದರೆ, ಈ ದಾಳಿಯನ್ನು ಟೆಹ್ರಾನ್‌ ನಡೆಸಿದೆ" ಎಂದು ಇಸ್ರೇಲಿ ಅಧಿಕಾರಿಗಳು ದೂರಿದ್ದಾರೆ.

  ಇಸ್ರೇಲಿ ವಿದೇಶಾಂಗ ಸಚಿವ ಯೈರ್‌ ಲ್ಯಾಪಿಡ್‌ ಶುಕ್ರವಾರ ತಡರಾತ್ರಿ ಟ್ವೀಟ್‌ ಮಾಡಿದ್ದು, ಬ್ರಿಟನ್‌ ವಿದೇಶಾಂಗ ಕಾರ್ಯದರ್ಶಿ ಡೊಮಿನಿಕ್‌‌ ರಾಬ್‌ ಅವರೊಂದಿಗೆ ಶೀಘ್ರವೇ ಪ್ರತಿಕ್ರಿಯಿಸುವ ಅಗತ್ಯತೆ ಬಗ್ಗೆ ಮಾತನಾಡಿದ್ದಾರೆ.