ಅಲಾಸ್ಕಾದ ಪರ್ವತ ಪ್ರದೇಶದಲ್ಲಿ ವಿಮಾನ ಅಪಘಾತ - ಪೈಲಟ್‌ ಸೇರಿದಂತೆ 6 ಮಂದಿ ಮೃತ್ಯು

•   Fri, Aug 06 2021 01:21:02 PM



• ಆಂಕರೇಜ್, ಆ 06 (DaijiworldNews/PY): "ವಿಮಾನವೊಂದು ಪತನಗೊಂಡ ಪರಿಣಾಮ ಪೈಲಟ್‌ ಸೇರಿದಂತೆ ಆರು ಮಂದಿ ಸಾವನ್ನಪ್ಪಿರುವ ಘಟನೆ ಅಲಾಸ್ಕಾದ ಆಗ್ನೇಯ ಭಾಗದ ಪರ್ವತ ಪ್ರದೇಶದಲ್ಲಿ ನಡೆದಿದೆ" ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  "ಡಿ ಹಾವಿಲ್‌ಲ್ಯಾಂಡ್‌ ಬಿವೇರ್‌ ವಿಮಾನದ ಮೂಲಕ ಕೆಟ್ಚಿಕನ್‌ನ ಬಂದರು ನಗರಕ್ಕೆ ಹಾಲೆಂಡ್‌ ಅಮೇರಿಕಾ ಲೈನ್‌‌ ಹಡಗಿನ ಐವರು ಪ್ರಯಾಣಿಕರನ್ನು ಕರೆದುಕೊಂಡು ಹೋಗಲಾಗುತ್ತಿತ್ತು. ಈ ಸಂದರ್ಭ ವಿಮಾನ ಪತನವಾಗಿದೆ. ಈ ದುರಂತದಲ್ಲಿ ಯಾರೂ ಬದುಕುಳಿದಿಲ್ಲ" ಎಂದು ತಿಳಿಸಿದ್ದಾರೆ.

  "ಅಮೇರಿಕಾದ ಕರಾವಳಿ ಪಡೆ ಸೇರಿದಂತೆ ಅರಣ್ಯ ಸೇವೆ ಹಾಗೂ ಇತರೆ ಸಂಸ್ಥೆಗಳು ಶೋಧ ಕಾರ್ಯಾಚರಣೆ ನಡೆಸಿದ್ದು, ವಿಮಾನದ ಅವಶೇಷಗಳು ಹಾಗೂ ಮೃತದೇಹಗಳನ್ನು ಪತ್ತೆ ಮಾಡಿವೆ" ಎಂದು ಅಲಾಸ್ಕಾ ಸ್ಟೇಟ್‌ ಟ್ರೂಪರ್ಸ್‌ ಹೇಳಿಕೆಯಲ್ಲಿ ತಿಳಿಸಿದೆ.

  "ಅಪಘಾತದ ಬಗ್ಗೆ ತನಿಖೆ ನಡೆಸಲು ತಂಡವೊಂದನ್ನು ಕಳುಹಿಸಲಾಗಿದೆ" ಎಂದು ರಾಷ್ಟ್ರೀಯ ಸಾರಿಗೆ ಸುರಕ್ಷತಾ ಮಂಡಳಿ ಹೇಳಿದೆ.