ಅಫ್ಘಾನಿಸ್ತಾನದಲ್ಲಿ ವೈಮಾನಿಕ ದಾಳಿ - 200ಕ್ಕೂ ಅಧಿಕ ತಾಲಿಬಾನಿ ಉಗ್ರರು ಮೃತ್ಯು

•   Sun, Aug 08 2021 09:32:08 AM



• ಕಾಬುಲ್‌, ಆ 08 (DaijiworldNews/PY): "ತಾಲಿಬಾನ್‌ ಉಗ್ರರು ಹಾಗೂ ಅಫ್ಘಾನ್‌ ವಾಯು ಸೇನೆಯ ನಡುವೆ ನಡೆದ ಸಂಘರ್ಷದಲ್ಲಿ 200ಕ್ಕೂ ಅಧಿಕ ಉಗ್ರರು ಸಾವನ್ನಪ್ಪಿದ್ದಾರೆ" ಎಂದು ಅಫ್ಘಾನಿಸ್ತಾನದ ರಕ್ಷಣಾ ಸಚಿವಾಲಯದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಶೆಬರ್ಗನ್‌ ನಗರದ ಜವ್ಜ್‌‌‌ಜನ್‌ ಪ್ರದೇಶದಲ್ಲಿ ತಾಲಿಬಾನ್‌‌ ಉಗ್ರರನ್ನು ಗುರಿಯಾಗಿಸಿಕೊಂಡು ಬಿ-25 ಬಾಂಬ್‌ ದಾಳಿ ನಡೆಸಲಾಗಿದೆ.

  ಅಫ್ಘಾನಿಸ್ತಾನದ ಶೆಬರ್ಗನ್‌ ಪ್ರದೇಶದಲ್ಲಿ ಸೇನೆ ನಡೆಸಿದ ವಾಯು ದಾಳಿಗೆ 200ಕ್ಕೂ ಅಧಿಕ ಉಗ್ರರು ಸಾವನ್ನಪ್ಪಿದ್ದಾರೆ. ಭಾರೀ ಪ್ರಮಾಣದ ಶಸ್ತ್ರಾಸ್ತ್ರಗಳು ಹಾಗೂ ಮದ್ದುಗುಂಡುಗಳು ನಾಶವಾಗಿದ್ದು, ಉಗ್ರರ ನೂರಕ್ಕೂ ಅಧಿಕ ವಾಹನಗಳು ನಾಶವಾಗಿವೆ ಎಂದು ಅಫ್ಘನ್‌ ರಕ್ಷಣಾ ಸಚಿವಾಲಯದ ಅಧಿಕಾರಿ ಫವಾದ್‌ ಅಮನ್‌ ಟ್ವೀಟ್‌ ಮಾಡಿದ್ದಾರೆ ಎಂದು ಸುದ್ದಿಸಂಸ್ಥೆಯೊಂದು ವರದಿ ಮಾಡಿದೆ.