ಬ್ರಿಟನ್‌ನಲ್ಲಿ ಗುಂಡಿನ ದಾಳಿ - ಶಂಕಿತ ಬಂದೂಕುಧಾರಿ ಸೇರಿ ಆರು ಮಂದಿ ಸಾವು

•   Fri, Aug 13 2021 11:08:28 AM



• ಲಂಡನ್‌‌, ಆ 13 (DaijiworldNews/PY): ಗುಂಡಿನ ದಾಳಿಯೊಂದರಲ್ಲಿ ಶಂಕಿತ ಬಂದೂಕುಧಾರಿ ಸೇರಿ ಆರು ಮಂದಿ ಸಾವನ್ನಪ್ಪಿದ ಘಟನೆ ಬ್ರಿಟನ್‌ನ ನೈರುತ್ಯ ನಗರವಾದ ಪ್ಲೈಮೌತ್‌ನಲ್ಲಿ ನಡೆದಿದೆ.

  
  ಸಾಂದರ್ಭಿಕ ಚಿತ್ರ

  "ಪ್ಲೈಮೌತ್ ನಗರದ ಕೀಹೆಮ್ ಪ್ರದೇಶದಲ್ಲಿ ಈ ಗಂಭೀರವಾದ ಘಟನೆ ನಡೆದಿದ್ದು, ಇದು ಭಯೋತ್ಪಾದ ದಾಳಿ ಅಲ್ಲ" ಎಂದು ಡೆವೋನ್‌ ಹಾಗೂ ಕಾರ್ನ್‌ವಾಲ್‌ ಪೊಲೀಸರು ತಿಳಿಸಿದ್ದಾರೆ.

  "ಘಟನೆಯ ಸಂದರ್ಭ ಇಬ್ಬರು ಪುರುಷರು ಹಾಗೂ ಇಬ್ಬರು ಮಹಿಳೆಯರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ" ಎಂದು ಭದ್ರತಾ ಸಿಬ್ಬಂದಿ ಹೇಳಿದ್ದಾರೆ.

  "ಘಟನೆಯಲ್ಲಿ ದಾಳಿಕೋರ ಎಂದು ಶಂಕಿಸಲಾದ ಮತ್ತೋರ್ವ ವ್ಯಕ್ತಿ ಕೂಡಾ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. ಗಾಯಗೊಂಡ ಮಹಿಳೆಯ ಪೈಕಿ ಓರ್ವ ಮಹಿಳೆ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ" ಎಂದು ಪೊಲೀಸರು ತಿಳಿಸಿದ್ದಾರೆ.

  "ಎಲ್ಲರೂ ಕೂಡಾ ಗುಂಡೇಟಿನಿಂದ ಸಾವನ್ನಪ್ಪಿದ್ದಾರೆ ಎಂದು ಅಂದಾಜಿಸಲಾಗಿದೆ ಎಂದು ಪಡೆಗಳು ತಿಳಿಸಿವೆ. ದಾಳಿಕೋರನಿಗೆ ಹಾಗೂ ಸಂತ್ರಸ್ತನಿಗೆ ಯಾವ ರೀತಿಯ ಸಂಪರ್ಕ ಇತ್ತು ಎಂದು ಇನ್ನೂ ಸ್ಪಷ್ಟವಾಗಿಲ್ಲ. ಈ ಬಗ್ಗೆ ತನಿಖೆ ಮುಂದುವರಿದಿದೆ" ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.