ಅಫ್ಗಾನ್‌ ರಾಜಧಾನಿ ಕಾಬೂಲ್‌ಗೆ ಮುನ್ನುಗ್ಗಿದ ತಾಲಿಬಾನ್‌‌

•   Sun, Aug 15 2021 03:33:20 PM



• ಕಾಬೂಲ್, ಆ 15 (DaijiworldNews/PY): "ಅಫ್ಗಾನಿಸ್ತಾನದ ಒಂದೊಂದೇ ಪ್ರದೇಶಗಳನ್ನು ವಶಪಡಿಸಿಕೊಳ್ಳುತ್ತಾ ಮುನ್ನುಗ್ಗುತ್ತಿದ್ದ ತಾಲಿಬಾನ್‌ ಉಗ್ರ ಸಂಘಟನೆ ಇದೀಗ ಕಾಬೂಲ್‌ಗೆ ಪ್ರವೇಶಿಸಿದೆ" ಆಂತರಿಕ ಸಚಿವಾಲಯದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

  

  "ಭಾನುವಾರ ತಾಲಿಬಾನ್‌ ಎಲ್ಲಾ ಕಡೆಯಿಂದ ಅಫ್ಗಾನ್‌ ರಾಜಧಾನಿ ಕಾಬೂಲ್‌ಗೆ ಪ್ರವೇಶಿಸಿದೆ" ಎಂದು ಅಫ್ಗಾನ್‌ ಆಂತರಿಕ ಸಚಿವಾಲಯ ಹೇಳಿದೆ.

  ಈ ನಡುವೆ ಅಮೇರಿಕಾ ಹೆಲಿಕಾಫ್ಟರ್‌ ಮೂಲಕ ತನ್ನ ರಾಯಭಾರಿಗಳನ್ನು ಕರೆಸಿಕೊಂಡಿದೆ.

  "ಎಲ್ಲಾ ಕಡೆಯಿಂದ ತಾಲಿಬಾನ್‌ಗಳು ಬರುತ್ತಿದ್ದಾರೆ" ಎಂದು ಸುದ್ದಿಸಂಸ್ಥೆಯೊಂದಕ್ಕೆ ಹಿರಿಯ ಅಧಿಕಾರಿಯೋರ್ವರು ಮಾಹಿತಿ ನೀಡಿದ್ದಾರೆ.

  "ಕಾಬೂಲ್‌‌ನಲ್ಲಿ ಆಗಾಗ ಗುಂಡಿನ ಸದ್ದು ಕೇಳಿಬಂದಿದೆ. ಆದರೆ, ಅಂತರಾಷ್ಟ್ರೀಯ ಪಾಲುದಾರರ ಸಹಕಾರದ ಜೊತೆ ಭದ್ರತಾ ಪಡೆಗಳು ನಗರದ ಮೇಲೆ ನಿಯಂತ್ರಣ ಹೊಂದಿವೆ" ಎಂದು ಅಫ್ಗಾನ್‌ ಅಧ್ಯಕ್ಷರ ಅರಮನೆ ಖಾತೆಯಿಂದ ಟ್ವೀಟ್‌ ಮಾಡಲಾಗಿದೆ.