ಕಾಬೂಲ್‌ನಿಂದ ಯುಎಸ್ ಸ್ಥಳಾಂತರಿಸುವ ವಿಮಾನದಲ್ಲೇ ಹೆಣ್ಣು ಮಗುವಿಗೆ ಜನ್ಮವಿತ್ತ ಆಫ್ಘನ್ ಮಹಿಳೆ

•   Mon, Aug 23 2021 01:10:35 PM



• ಕಾಬೂಲ್, ಆ.23 (DaijiworldNews/HR): ಕಾಬೂಲ್‌ನಿಂದ ಯುಎಸ್ ಸ್ಥಳಾಂತರಿಸುವ ವಿಮಾನದಲ್ಲಿ ಆಫ್ಘನ್ ಮಹಿಳೆಯೊಬ್ಬರು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದು, ನಂತರ ಜರ್ಮನಿಯ ರಾಮ್‌ಸ್ಟೈನ್ ಏರ್ ಬೇಸ್‌ನಲ್ಲಿ ಇಳಿದ ತಾಯಿ ಮತ್ತು ಆಕೆಯ ಕುಟುಂಬಕ್ಕೆ ಯುಎಸ್ ಏರ್ ಫೋರ್ಸ್ ಸಹಾಯ ಮಾಡಿದೆ.

  

  ಯುಎಸ್ ವಾಯುಪಡೆಯ ಏರ್ ಮೊಬಿಲಿಟಿ ಕಮಾಂಡ್ ಅವರು ಮಗುವನ್ನು ಹೆತ್ತ ಕೆಲವೇ ಕ್ಷಣಗಳಲ್ಲಿ, ಯುಎಸ್ ಏರ್ ಫೋರ್ಸ್ ಸಿ -17 ನಿಂದ ಆಫ್ಘನ್ ತಾಯಿಗೆ ಸಹಾಯ ಮಾಡುವ ವೈದ್ಯಕೀಯ ಸಹಾಯ ಸಿಬ್ಬಂದಿಯ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.

  ಇನ್ನು ಹೆಣ್ಣು ಮಗು ಮತ್ತು ತಾಯಿಯನ್ನು ಹತ್ತಿರದ ವೈದ್ಯಕೀಯ ಸೌಲಭ್ಯಕ್ಕೆ ಸಾಗಿಸಲಾಯಿತು ಮತ್ತು ಮಗು ಉತ್ತಮ ಸ್ಥಿತಿಯಲ್ಲಿದೆ ಎಂದು ಏರ್ ಮೊಬಿಲಿಟಿ ಕಮಾಂಡ್ ಹೇಳಿದ್ದಾರೆ.

  ಆಗಸ್ಟ್ 15 ರಂದು ಕಾಬೂಲ್ ನಲ್ಲಿ ತಾಲಿಬಾನ್ ಅಧಿಕಾರವನ್ನು ವಶಪಡಿಸಿಕೊಂಡ ಬಳಿಕ ಬಿಕ್ಕಟ್ಟಿನಿಂದ ಬಳಲುತ್ತಿರುವ ಅಫ್ಘಾನಿಸ್ತಾನದಿಂದ ಹೊರಬರಲು ಜನರು ಹರಸಾಹಸ ಪಡುತ್ತಿದ್ದಾರೆ.