7 ಬಾರಿ ಎಮ್ಮಿ ಅವಾರ್ಡ್ ಪುರಸ್ಕೃತ  ಹಾಲಿವುಡ್ ನ ಖ್ಯಾತ ನಟ ಎಡ್ ಅಸ್ನರ್ ನಿಧನ

•   Mon, Aug 30 2021 12:59:41 PM



• ವಾಷಿಂಗ್ಟನ್, ಆ 30 (DaijiworldNews/MS): ಹಾಲಿವುಡ್ ನ ಖ್ಯಾತ ನಟ ಎಡ್ ಅಸ್ನರ್ (91) ಆ.30 ರಂದು ನಿಧನರಾಗಿದ್ದಾರೆ. ಪ್ರತಿಷ್ಠಿತ ಅಂತರಾಷ್ಟ್ರೀಯ ಎಮ್ಮಿ ಅವಾರ್ಡ್ ಗೆ 7 ಬಾರಿ ಭಾಜನರಾಗಿದ್ದ ಅವರ ನಿಧನ ಸುದ್ದಿಯನ್ನು ದಿ ಮೇರಿ ಟೈಲರ್ ಮೂರ್ ಶೋ ನಟನ ಸಾರ್ವಜನಿಕ ಸಂಪರ್ಕ ವಿಭಾಗ ದೃಢಪಡಿಸಿದೆ.

  

  ಎಡ್ ಅಸ್ನರ್ ಟ್ವಿಟರ್ ಪೇಜ್ ನಲ್ಲಿ ಅವರ ಸಂಬಂಧಿಕರು ಟ್ವೀಟ್ ಮಾಡಿದ್ದು "ನಮ್ಮ ತಂದೆ ಇಂದು ಬೆಳಿಗ್ಗೆ ನಿಧನರಾದರು ಎಂಬುದನ್ನು ತಿಳಿಸಲು ವಿಷಾದಿಸುತ್ತೇವೆ, ನೋವನ್ನು ವ್ಯಕ್ತಪಡಿಸಲು ಪದಗಳಿಲ್ಲ. ನಿಮ್ಮನ್ನು ಪ್ರೀತಿಸುತ್ತೇವೆ ಅಪ್ಪ" ಎಂದು ಬರೆದುಕೊಂಡಿದ್ದಾರೆ.

  ದಿವಂಗತ ನಟ 50 ರ ದಶಕದಲ್ಲಿ ಶೋಬಿಜ್‌ಗೆ ಪ್ರವೇಶಿಸಿದರು. ಅತ್ಯಂತ ಜನಪ್ರಿಯ ದಿ ಮೇರಿ ಟೈಲರ್ ಮೂರ್ ಶೋ ಮೂಲಕ ಎಡ್ ಅಸ್ನರ್ ಜನಪ್ರಿಯತೆ ಗಳಿಸಿ ಹಾಲಿವುಡ್ ಇಂಡಸ್ಟ್ರಿಯಲ್ಲಿ ನೆಲೆ ಕಂಡುಕೊಂಡರು. ಈ ಸರಣಿಯ 166 ಸಂಚಿಕೆಗಳಲ್ಲಿ ಆನ್ಸರ್ ನಟಿಸಿದ್ದು 7 ವರ್ಷಗಳ ಸುದೀರ್ಘ ಪಯಣ ಇದಾಗಿತ್ತು.

  ಈ ಹಾಸ್ಯ ಸರಣಿಯ ನಟನೆ ಜನಪ್ರಿಯತೆ ಉತ್ತುಂಗದಲ್ಲಿರುವಾಗಲೇ ಎಡ್ ಅಸ್ನರ್ "ಲೌ ಗ್ರಾಂಟ್" ಎಂಬ ಮತ್ತೊಂದು ಶೋ ಪ್ರಾರಂಭಿಸಿದರು. ಇದರಲ್ಲಿ ನೂರಕ್ಕೂ ಹೆಚ್ಚನ ಸಂಚಿಕೆಗಳಲ್ಲಿ ನಟಿಸಿ ಮತ್ತಷ್ಟು ಜನಪ್ರಿಯತೆ ಹೊಂದಿದರು.

  'ದಿ ಬ್ರಾಂಕ್ಸ್ ಝೂ', 'ದಿ ಟ್ರಯಲ್ಸ್ ಆಫ್ ರೋಸಿ ಒ'ನೀಲ್', 'ಹಾರ್ಟ್ಸ್ ಅಫೈರ್', 'ಥಂಡರ್ ಅಲ್ಲೆ', 'ದಿ ಕ್ಲೋಸರ್', 'ಸೆಂಟರ್ ಆಫ್ ದಿ ಯೂನಿವರ್ಸ್', ಸೇರಿ ಅವರು ಇತರ ಗಮನಾರ್ಹ ಟಿವಿ ಸರಣಿಗಳಲ್ಲಿ ಹಲವು ಬಾರಿ ಕಾಣಿಸಿಕೊಂಡಿದ್ದರು.