ಪಾಕ್ ವಾಯುಪಡೆಯಿಂದ ಪಂಜ್ ಶೀರ್ ಪ್ರಾಂತ್ಯದಲ್ಲಿ ಡ್ರೋನ್ ಬಾಂಬ್ ದಾಳಿ

•   Mon, Sep 06 2021 10:57:31 AM



• ಕಾಬೂಲ್, ಸ.06 (DaijiworldNews/HR): ಪಂಜ್‌ಶೀರ್ ಪ್ರಾಂತ್ಯದಲ್ಲಿ ಪಾಕಿಸ್ತಾನದ ವಾಯುಪಡೆಯು ಡ್ರೋನ್‌‌ಗಳನ್ನು ಬಳಸಿ ಬಾಂಬ್ ಸ್ಫೋಟ ನಡೆಸಿದೆ ಎಂದು ತಿಳಿದು ಬಂದಿದೆ.

  

  ಪಂಜಶೀರ್ ಮೇಲೆ ಪಾಕಿಸ್ತಾನದ ಡ್ರೋನ್‌ಗಳು ಸ್ಮಾರ್ಟ್ ಬಾಂಬ್‌ಗಳನ್ನು ಬಳಸಿ ದಾಳಿ ನಡೆಸಿದೆ ಎಂದು ಸಾಮಂಗನ್ ನ ಮಾಜಿ ಸಂಸದೆ ಜಿಯಾ ಅರಿಯಂಜದ್ ಹೇಳಿರುವುದಾಗಿ ವರದಿಯಾಗಿದೆ.

  ಪಂಜಶೀರ್‌ನಲ್ಲಿ ತಾಲಿಬಾನ್‌ ವಿರುದ್ಧದ ಹೋರಾಟದಲ್ಲಿ ಅಹ್ಮದ್ ಮಸೌದ್‌ ನ ವಕ್ತಾರ ಫಾಹೀಮ್ ದಷ್ಟಿಯ ಹತ್ಯೆ ಮಾಡಲಾಗಿದ್ದು, ಅಹ್ಮದ್ ಮಸೌದ್ ಅವರ ಸೋದರಳಿಯ ಮತ್ತು ಮಾಜಿ ಪ್ರಮುಖ ಮುಜಾಹಿದ್ದೀನ್ ಕಮಾಂಡರ್ ಜನರಲ್ ಸಾಹಿಬ್ ಅಬ್ದುಲ್ ವಡೂದ್ ಜೂರ್ ಕೂಡ ಯುದ್ಧದಲ್ಲಿ ಮೃತಪಟ್ಟಿದ್ದಾರೆಂದು ವರದಿಯಾಗಿದೆ.

  ಇನ್ನು ತಾಲಿಬಾನ್ ಪಡೆ ಪಂಜ್ ಶೀರ್‌‌ನಿಂದ ಹಿಂದೆ ಹೋಗುವಂತೆ ಅಹ್ಮದ್ ಮಸೌದ್‌ನ ಪ್ರತಿರೋಧ ಪಡೆ ಕರೆ ನೀಡಿದ್ದು, ತಾವು ಯುದ್ದ ಕ್ರಮದಿಂದ ಹಿಂದೆ ಸರಿಯುವುದಾಗಿ ಹೇಳಿದೆ ಎನ್ನಲಾಗಿದೆ.