ಇಡಾ ಚಂಡಮಾರುತದಿಂದ ನ್ಯೂಜೆರ್ಸಿಯಲ್ಲಿ ಪ್ರವಾಹ - ಭಾರತೀಯ ಮೂಲದ ಇಬ್ಬರು ನಾಪತ್ತೆ

•   Mon, Sep 06 2021 04:20:02 PM



• ನ್ಯೂಯಾರ್ಕ್, ಸೆ. 06 (DaijiworldNews/PY): ಅಮೇರಿಕಾದ ನ್ಯೂಜೆರ್ಸಿಯಲ್ಲಿ ಇಡಾ ಚಂಡಮಾರುತ ಸಂಭವಿಸಿದ ಭಾರಿ ಪ್ರವಾಹದಲ್ಲಿ ಭಾರತೀಯ ಮೂಲದ ಇಬ್ಬರು ಕಾಣೆಯಾಗಿದ್ದು, ಡ್ರೋನ್‌ ಹಾಗೂ ಬೋಟ್‌ಗಳ ಮೂಲಕ ಶೋಧ ಕಾರ್ಯಾಚರಣೆ ಕೈಗೊಳ್ಳಲಾಗಿದೆ.

  

  ನಿಧಿ ರಾಣಾ (18) ಹಾಗೂ ಆಯುಷ್‌ ರಾಣಾ (21) ನಾಪತ್ತೆಯಾಗಿದ್ದು, ಬುಧವಾರ ಆಯುಷ್‌ ಅವರ ಕಾರು ಪ್ರವಾಹದಲ್ಲಿ ಸಿಲುಕಿ ಹಾಕಿಕೊಂಡಿತ್ತು. ಅದೇ ಕೊನೆ ದಿನ ಅವರು ಕಾಣಿಸಿಕೊಂಡಿದ್ದು ಎಂದು ವರದಿ ತಿಳಿಸಿದೆ.

  "ಶೋಧ ಕಾರ್ಯಾಚರಣೆಗೆ ಎರಡು ಬೋಟ್‌ಗಳು ಹಾಗೂ ಮೂರು ಡ್ರೋನ್‌ಗಳನ್ನು ಬಳಸಲಾಗಿದೆ. ಮೋರಿಯಲ್ಲೂ ಕೂಡಾ ರಕ್ಷಣಾ ತಂಡ ಶೋಧ ಕಾರ್ಯ ನಡೆಸಿವೆ" ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  ಇಡಾ ಚಂಡಮಾರುತದ ಪರಿಣಾಮ ಈವರೆಗೆ 40ಕ್ಕೂ ಅಧಿಕ ಮಂದಿ ಮೃತಪಟ್ಟಿದ್ದಾರೆ.

  ಇತ್ತೀಚೆಗೆ ಭಾರತ ಸಂಜಾತರಾದ ಮಾಲತಿ ಕಾಂಚೆ (45) ಹಾಗೂ ಧನುಷ್‌ ರೆಡ್ಡಿ (31) ಎಂಬವರು ಸಾವನ್ನಪ್ಪಿದ್ದರು.