International

ಜೆಸಿಬಿಯಲ್ಲಿ ಸವಾರಿ ಮಾಡಿದ ನವ ವಿವಾಹಿತ ದಂಪತಿ - ವಿಡಿಯೋ ವೈರಲ್‌‌

  •   Sun, Oct 03 2021 04:50:13 PM

  • ಇಸ್ಲಾಮಾಬಾದ್, ಅ.03 (DaijiworldNews/PY): ನವ ವಿವಾಹಿತ ದಂಪತಿ ಕಾರನ್ನು ಬಿಟ್ಟು ಜೆಸಿಬಿಯಲ್ಲಿ ಸವಾರಿ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗುತ್ತಿದೆ.

    ಸಾಮಾನ್ಯವಾಗಿ ವಿವಾಹದ ದಿನದಂದು ವಧು ಹಾಗೂ ವರ ಕಲ್ಯಾಣ ಮಂಟಪಕ್ಕೆ ಹೋಗಲು ಹಾಗೂ ಮನೆಗೆ ಹಿಂದಿರುಗಲು ಹೂವಿನಿಂದ ಅಲಂಕರಿಸಿದ ಐಷಾರಾಮಿ ಕಾರಿನಲ್ಲಿ ಪ್ರಯಾಣಿಸುವುದನ್ನು ಕಂಡಿದ್ದೇವೆ. ಆದರೆ, ಪಾಕಿಸ್ತಾನದಲ್ಲಿ ನವ ವಿವಾಹಿತ ದಂಪತಿ ಜೆಸಿಬಿಯಲ್ಲಿ ಸವಾರಿ ಮಾಡಿದ್ದಾರೆ.

    ಗುಲಾಂ ಶಬ್ಬಾಸ್‌ ಎಂಬವರು ಈ ವಿಡಿಯೋವನ್ನು ಟ್ವೀಟ್‌ ಮಾಡಿದ್ದು, ವಧು ಹಾಗೂ ವರ ಹೂವಿನಿಂದ ಅಲಂಕರಿಸಿದ ಜೆಸಿಬಿಯಲ್ಲಿ ಸವಾರಿ ಮಾಡಿದ್ದಾರೆ. ಈ ಸಂದರ್ಭ ನವದಂಪತಿಯ ಮುಖದಲ್ಲಿ ಸಂತೋಷ ಕಾಣಿಸುತ್ತಿರುವದನ್ನು ಕಾಣಬಹುದು. ಬಳಿಕ ನವದಂಪತಿ ಜೆಸಿಬಿಯಿಂದ ಇಳಿದು ಮುಂದೆ ಸಾಗಿದ್ದಾರೆ.

    ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌‌ ಆಗುತ್ತಿದೆ.

You might also like