ಕಾಬೂಲ್‌ನಲ್ಲಿ ತಾಲಿಬಾನ್‌ ವಾಹನದ ಮೇಲೆ ಗ್ರೆನೇಡ್‌ ದಾಳಿ - 4 ಮಂದಿ ವಿದ್ಯಾರ್ಥಿಗಳಿಗೆ ಗಾಯ

•   Wed, Oct 20 2021 12:57:42 PM



• ಕಾಬೂಲ್‌, ಅ. 20(DaijiworldNews/HR): ಬುಧವಾರ ಬೆಳಿಗ್ಗೆ ತಾಲಿಬಾನ್‌ ವಾಹನವೊಂದರ ಮೇಲೆ ಗ್ರೆನೇಡ್‌ವೊಂದನ್ನು ಎಸೆಯಲಾಗಿದ್ದು, ಇಬ್ಬರು ಹೋರಾಟಗಾರರು ಮತ್ತು ನಾಲ್ಕು ಮಂದಿ ವಿದ್ಯಾರ್ಥಿಗಳು ಗಾಯಗೊಂಡಿರುವ ಘಟನೆ ಅಫ್ಗನಿಸ್ತಾನದ ರಾಜಧಾನಿ ಕಾಬೂಲ್‌ನಲ್ಲಿ ನಡೆದಿದೆ.

  

  ವಾಹನವೊಂದರ ಮೇಲೆ ಗ್ರೆನೇಡ್‌ವೊಂದನ್ನು ಎಸೆಯಲಾಗಿದ್ದು, ಇದರಿಂದ ಇಬ್ಬರು ಗಾಯಗೊಂಡಿದ್ದಾರೆ ಎಂದು ತಾಲಿಬಾನ್‌ ಗೃಹ ಸಚಿವಾಲಯದ ವಕ್ತಾರ ಕರಿ ಸೈಯದ್‌ ಖೋಸ್ತಿ ಎಎಫ್‌ಪಿಗೆ ತಿಳಿಸಿದ್ದಾರೆ.

  ರಾಜಧಾನಿಯ ಪಶ್ಚಿಮದಲ್ಲಿರುವ ದೇಹ್‌ ಮಜಾಂಗ್‌ ಜಿಲ್ಲೆಯಲ್ಲಿ ಜನ ಸಂದಣಿ ಇದ್ದ ಸಮಯದಲ್ಲಿ ಸ್ಫೋಟ ಸಂಭವಿಸಿದೆ ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ಹೇಳಿದ್ದಾರೆ.

  ಇನ್ನು ನಾನು ಕೆಲಸಕ್ಕೆ ಹೋಗುತ್ತಿದ್ದೆ, ಆಗ ಸಮಯ ಬೆಳಿಗ್ಗೆ 7.55 ಆಗಿತ್ತು. ಈ ವೇಳೆ ರಸ್ತೆಯಲ್ಲಿ ದೊಡ್ಡ ಸ್ಫೋಟದ ಸದ್ದು ನನಗೆ ಕೇಳಿಸಿತು. ನಾನು ಅಲ್ಲಿಂದ ಪಾರಾದೆ ಎಂದು ಮತ್ತೊಬ್ಬ ಪ್ರತ್ಯಕ್ಷದರ್ಶಿ ಅಮಿನ್‌ ಅಮಾನಿ ಘಟನೆಯನ್ನು ವಿವರಿಸಿದ್ದಾರೆ.