ಪಾಕ್‌‌ ನೌಕಾ ಸೇನೆಯಿಂದ ಭಾರತೀಯ ದೋಣಿ ಮೇಲೆ ಗುಂಡಿನ ದಾಳಿ - ಮೀನುಗಾರ ಮೃತ್ಯು

•   Sun, Nov 07 2021 03:43:48 PM



• ಇಸ್ಲಾಮಬಾದ್, ನ.07 (DaijiworldNews/PY): ಪಾಕಿಸ್ತಾನದ ನೌಕಾ ಸೇನೆಯು ಭಾರತಕ್ಕೆ ಸೇರಿದ್ದ ದೋಣಿಯ ಮೇಲೆ ಗುಂಡಿನ ದಾಳಿ ನಡೆಸಿದ್ದು, ಓರ್ವ ಮೀನುಗಾರ ಸಾವನ್ನಪ್ಪಿ, ಮತ್ತೋರ್ವ ಗಾಯಗೊಂಡಿದ್ದಾರೆ.

  

  ಮೃತ ವ್ಯಕ್ತಿಯನ್ನು ಶ್ರೀಧರ್‌ ಎಂದು ಗುರುತಿಸಲಾಗಿದೆ. ಗಾಯಗೊಂಡ ಇನ್ನೋರ್ವ ವ್ಯಕ್ತಿಯನ್ನು ದ್ವಾರಕಾದಲ್ಲಿರಿವ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

  ಗುಜರಾತ್‌ನ ದ್ವಾರಕಾ ಸಮುದ್ರ ಪ್ರದೇಶದಲ್ಲಿ ಜಲ್‌ಪರಿ ಹೆಸರಿನ ದೋಣಿಯ ಮೇಲೆ ಪಾಕಿಸ್ತಾನ ನೌಕಾಪಡೆ ಗುಂಡಿನ ದಾಳಿ ನಡೆಸಿದೆ.

  ಮೃತ ವ್ಯಕ್ತಿಯ ದೇಹವನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದು, ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.