ಕಜಕಿಸ್ತಾನದ ಅರ್ಸೆಲರ್‌ ಮಿತ್ತಲ್‌ ಗಣಿಯಲ್ಲಿ ಮಿಥೇನ್‌ ಸ್ಪೋಟ - 6 ಕಾರ್ಮಿಕರು ಮೃತ್ಯು

•   Sun, Nov 07 2021 04:30:00 PM



• ಕಜಕಿಸ್ತಾನ, ನ.07 (DaijiworldNews/PY): "ಕಜಕಿಸ್ತಾನದ ಅರ್ಸೆಲರ್‌ ಮಿತ್ತಲ್‌ ಗಣಿಯಲ್ಲಿ ಭಾನುವಾರ ಮಿಥೇನ್‌ ಸ್ಪೋಟಗೊಂಡ ಪರಿಣಾಮ ಆರು ಮಂದಿ ಕಾರ್ಮಿಕರು ಸಾವನ್ನಪ್ಪಿ, ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ" ಎಂದು ಕಂಪೆನಿ ಹಾಗೂ ತುರ್ತು ಸಚಿವಾಲಯ ತಿಳಿಸಿದೆ.

  
  ಸಾಂದರ್ಭಿಕ ಚಿತ್ರ

  ಭಾನುವಾರ ಬೆಳಗ್ಗೆ ಮಧ್ಯ ಏಷ್ಯಾ ದೇಶದ ಕೈಗಾರಿಕಾ ಕರಗಂಡ ಪ್ರದೇಶದಲ್ಲಿ ಉಕ್ಕಿನ ಕಜಕ್‌‌ಘಕವಾದ ಅರ್ಸೆಲರ್‌ ಮಿತ್ತಲ್‌‌ ಟೆಮಿರ್ಟೌ ನಿರ್ವಹಿಸುತ್ತಿರುವ ಅಬೈಸ್ಕಯಾ ಕಲ್ಲಿದ್ದಲು ಗಣಿಯಲ್ಲಿ ಏಕಾಏಕಿ ಸ್ಪೋಟ ಸಂಭವಿಸಿದೆ.

  "ಸ್ಪೋಟ ಸಂಭವಿಸಿದ ವೇಳೆ 64 ಮಂದಿ ಕಾರ್ಮಿಕರು ಗಣಿಯಲ್ಲಿದ್ದರು. ಈ ಸದಂರ್ಭ 56 ಮಂದಿ ಪಾರಾಗಿದ್ದಾರೆ. ಸ್ಪೋಟದಲ್ಲಿ ಆರು ಮಂದಿ ಸಾವನ್ನಪ್ಪಿದ್ದು, ಇಬ್ಬರು ಗಾಯಗೊಂಡಿದ್ಧಾರೆ" ಎಂದು ಸಚಿವಾಲಯದ ಹೇಳಿಕೆ ವಿವರಿಸಿದೆ.