ನಾಲ್ಕು ಕಿವಿಯುಳ್ಳ ಈ ಬೆಕ್ಕಿನಮರಿಗೆ 67 ಸಾವಿರಕ್ಕೂ ಹೆಚ್ಚು ಫಾಲೋವರ್ಸ್​.!

•   Thu, Nov 18 2021 10:53:58 AM



• ಟರ್ಕಿ, ಅ 18 (DaijiworldNews/MS): ನಾಲ್ಕು ಕಿವಿಗಳೊಂದಿಗೆ ಜನಿಸಿದ ಬೆಕ್ಕನ್ನು ಟರ್ಕಿಯಲ್ಲಿ ಮಹಿಳೆಯೊಬ್ಬರು ದತ್ತು ತೆಗೆದುಕೊಂಡಿದ್ದು, ಈ ಬೆಕ್ಕು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಟರ್ಕಿ ಮಹಿಳೆ ಕ್ಯಾನಿಸ್ ಅವರ ಸ್ನೇಹಿತರೊಬ್ಬರ ಮನೆಯ ತೋಟದಲ್ಲಿ ಬೀದಿ ಬೆಕ್ಕೊಂದು 6 ಮರಿಗಳಿಗೆ ಜನ್ಮ ನೀಡಿತ್ತು, ಆ ಮರಿಗಳಲ್ಲಿ ಒಂದು ಮಿಡಾಸ್. ಆಗ ಕ್ಯಾನಿಸ್ ಮಿಡಾಸನ್ನು ರಕ್ಷಿಸಿ ದತ್ತು ಪಡೆದಿದ್ದರು ಇದಕ್ಕೀಗ ನಾಲ್ಕು ತಿಂಗಳ ವಯಸ್ಸು.!

  ನಾಲ್ಕು ಕಿವಿಗಳನ್ನು ಹೊಂದಿರುವ ಮಿಡಾಸ್ ರಷ್ಯನ್ ಬ್ಲೂ ಜಾತಿಯ ಬೆಕ್ಕಿ ಮರಿಯ ಪೊಟೋ ವನ್ನು ಅದರ ಒಡತಿ ಕ್ಯಾನಿಸ್ ಇನ್ಸ್ಟಾಗ್ರಾಂ ನಲ್ಲಿ ಅಪ್ ಲೋಡ್ ಮಾಡಿದ್ದು, ಇದೀಗಾ ಮಿಡಾಸ್ ಕ್ಯಾಟ್ 45,000ಕ್ಕೂ ಹೆಚ್ಚು ಹಿಂಬಾಲಕರನ್ನು ಹೊಂದಿದೆ.

  ಈ ಬೆಕ್ಕು ಹೆಚ್ಚುವರಿ ಜೋಡಿ ಕಿವಿಯೊಂದಿಗೆ ಜನಿಸಲು ಜೀನ್ ರೂಪಾಂತರ ಕಾರಣವಾಗಿರಬಹುದು ಎಂದು ಹೇಳಲಾಗುತ್ತದೆ. ನಾಲ್ಕು ಕಿವಿಗಳನ್ನು ಹೊಂದಿ ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಹೊಂದಿರುವ ರಷ್ಯನ್ ಬ್ಲೂ ಕ್ಯಾಟ್ ನ್ನು ಪರೀಕ್ಷಿಸಿರುವ ಪಶುವೈದ್ಯರು ಪರಿಪೂರ್ಣ ಶ್ರವಣಶಕ್ತಿ ಯನ್ನು ಹೊಂದಿದೆ ಎಂದು ಕ್ಯಾನಿಸ್ ಹೇಳಿಕೊಂಡಿದ್ದಾರೆ.