ಸ್ಯಾಂಟೊ ಡೊಮಿಂಗೊದಲ್ಲಿ ಖಾಸಗಿ ವಿಮಾನ ಪತನ - 9 ಮಂದಿ ಮೃತ್ಯು

•   Thu, Dec 16 2021 10:18:52 AM



• ಸ್ಯಾಂಟೊ ಡೊಮಿಂಗೊ, ಡಿ.16 (DaijiworldNews/PY): ಡೊಮಿನಿಕನ್‌‌ ರಿಪಬ್ಲಿಕ್‌‌‌‌ ರಾಜಧಾನಿ ಸ್ಯಾಂಟೋ ಡೊಮಿಂಗೊದಲ್ಲಿರುವ ಲಾಸ್‌‌‌‌ ಅಮೇರಿಕಾಸ್‌‌ ವಿಮಾನ ನಿಲ್ದಾಣದಲ್ಲಿ ನಡೆದ ಖಾಸಗಿ ವಿಮಾನ ಅಪಘಾತದಲ್ಲಿ 9 ಜನ ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ.

  ಈ ಬಗ್ಗೆ ಹೆಲಿಡೋಸ ಏವಿಯೇಷನ್‌‌‌ ಗ್ರೂಪ್‌‌ ವಿಮಾನಯಾನ ಸಂಸ್ಥೆಯು ಪ್ರಕಟಣೆಯಲ್ಲಿ ತಿಳಿಸಿದೆ.

  ಅಮೇರಿಕಾಸ್‌ ವಿಮಾನ ನಿಲ್ದಾಣದಲ್ಲಿ ತುರ್ತು ಲ್ಯಾಂಡಿಂಗ್‌ ಮಾಡುವ ವೇಳೆ ಖಾಸಗಿ ವಿಮಾನವೊಂದು ಅಪಘಾತಕ್ಕೀಡಾಗಿದ್ದು, 9 ಮಂದಿ ಸಾವನ್ನಪ್ಪಿದ್ದಾರೆ ಎಂದು ವಿಮಾನ ಆಪರೇಟರ್‌‌‌ ಹೆಲಿಡೋಸ ಏವಿಯೇಷನ್‌‌ ಗ್ರೂಪ್‌ ಹೇಳಿದೆ.

  ಫ್ಲೋರಿಡಾಗೆ ಹೊರಟ ವಿಮಾನವು ಟೇಕ್‌ ಆಫ್‌ ಆದ 15 ನಿಮಿಷದಲ್ಲೇ ತುರ್ತು ಲ್ಯಾಂಡಿಂಗ್‌‌‌ ಸಂದರ್ಭ ಪತನಗೊಂಡಿದೆ ಎಂದಿದೆ.

  ಘಟನೆಯಲ್ಲಿ 7 ಪ್ರಯಾಣಿಕರು ಹಾಗೂ ಇಬ್ಬರು ಸಿಬ್ಬಂದಿಗಳು ಸಾವನ್ನಪ್ಪಿದ್ದಾರೆ. ಆರು ಮಂದಿ ವಿದೇಶಿ ಪ್ರಜೆಗಳು ಹಾಗೂ ಒಬ್ಬರು ಡೊಮಿನಿಕನ್‌ ಎಂದು ತಿಳಿದುಬಂದಿದೆ.