ಚೀನಾದಲ್ಲಿ ಭೂಕುಸಿತ - 5 ಮಂದಿ ಮೃತ್ಯು, 9 ಮಂದಿ ನಾಪತ್ತೆ, 720 ರಕ್ಷಣಾ ಸಿಬ್ಬಂದಿಗಳಿಂದ ಶೋಧಕಾರ್ಯ

•   Tue, Jan 04 2022 10:21:57 AM



• ಗುಯಾಂಗ್, ಜ 04 (DaijiworldaNews/HR): ನೈರುತ್ಯ ಚೀನಾದ ಗುಝೌ ಪ್ರಾಂತ್ಯದ ಬಿಜೀ ಎಂಬ ನಗರದಲ್ಲಿ ಕಾಮಗಾರಿ ನಡೆಯುತ್ತಿದ್ದ ಸ್ಥಳದಲ್ಲಿ ಭೂಕುಸಿತ ಉಂಟಾಗಿದ್ದು, ಅಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ಐವರು ಮೃತಪಟ್ಟು, 9 ಮಂದಿ ನಾಪತ್ತೆಯಾಗಿರುವ ಘಟನೆ ನಡೆದಿದೆ.

  ಬಿಜೀಯ ಸ್ಥಳೀಯ ಸರ್ಕಾರದ ಪ್ರಕಾರ ನಿರ್ಮಾಣ ಕಾಮಗಾರಿಯೊಂದು ನಡೆಯುತ್ತಿದ್ದು, ಆ ಸ್ಥಳದಲ್ಲಿ ಭೂಕುಸಿತ ಉಂಟಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  ಇನ್ನು ಘಟನೆಯ ಬಳಿಕ 7 ಮಂದಿಯನ್ನು ರಕ್ಷಣೆ ಮಾಡಲಾಗಿದ್ದು, ಅವರಲ್ಲಿ ಮೂವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

  ಈ ಘಟನೆಯಲ್ಲಿ ನಾಪತ್ತೆಯಾದ 9 ಮಂದಿಯನ್ನು ಹುಡುಕಲು ವಿವಿಧ ವಿಭಾಗಗಳ 720ಕ್ಕೂ ಹೆಚ್ಚು ಸಿಬ್ಬಂದಿ ಕಾರ್ಯಾಚರಣೆಯಲ್ಲಿ ತೊಡಗಿದ್ದಾರೆ ಎಂದು ವರದಿಯಾಗಿದೆ.