ಬ್ರೆಜಿಲ್‌: ದೋಣಿಗಳ ಮೇಲೆ ಜಲಪಾತದ ಕಣಿವೆಯ ಭಾಗ ಕುಸಿತ - 7 ಮಂದಿ ಮೃತ್ಯು

•   Sun, Jan 09 2022 03:28:19 PM



• ಬ್ರೆಜಿಲ್, ಜ 09 (DaijiworldNews/HR): ಆಗ್ನೇಯ ಬ್ರೆಜಿಲ್‌ನಲ್ಲಿ ಜಲಪಾತದ ಕೆಳಗೆ ಮೋಟಾರು ದೋಣಿಗಳ ಮೇಲೆ ಕಲ್ಲಿನ ಗೋಡೆ ಕುಸಿದು ಏಳು ಜನರು ಸಾವನ್ನಪ್ಪಿ, ಒಂಬತ್ತು ಮಂದಿ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ನಡೆದಿದೆ.

  ಬ್ರೆಜಿಲ್‌ನ ಮಿನಾಸ್ ಗೆರೈಸ್ ರಾಜ್ಯದ ಕ್ಯಾಪಿಟೋಲಿಯೊ ಸರೋವರದಲ್ಲಿ ಬಂಡೆಗಳ ಗೋಪುರವು ಕಣಿವೆಯ ಗೋಡೆಯಿಂದ ಇದ್ದಕ್ಕಿದ್ದಂತೆ ಮುರಿದು ದೋಣಿಗಳ ಮೇಲೆ ಬಿದ್ದಿದ್ದು, ಈ ಘಟನೆಯ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗುತ್ತಿದೆ.

  ಇನ್ನು ಘಟನಾ ಸ್ಥಳದಲ್ಲಿ ಮುಳುಗುಗಾರರು ಶೋಧನಾ ಕಾರ್ಯ ನಡೆಸಿದ್ದು, ಮೂವರು ಪತ್ತೆಯಾಗಿದ್ದು, ಇನ್ನೂ ಕಾಣೆಯಾದವರಿಗಾಗಿ ಕಾರ್ಯ ಮುಂದುವರೆದಿದೆ ಎಂದು ಅಗ್ನಿಶಾಮಕ ಇಲಾಖೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  ಶೋಧ ಕಾರ್ಯದಲ್ಲಿ ಪತ್ತೆಯಾದವರು ಅಪಘಾತದಲ್ಲಿ ಗಾಯಗೊಂಡಿದ್ದು, ಇವರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  Six dead, 20 missing after rock face collapses on boats at waterfall in #Brazil https://t.co/K1Pxwo16zP
  VIDEO pic.twitter.com/grGSGlysjp

  — Anthony Boadle (@AnthonyBoadle) January 8, 2022