129 ಮಕ್ಕಳ ಜನನಕ್ಕೆ ವೀರ್ಯ ದಾನ ಮಾಡಿದ ಕ್ಲೈವ್ ಜೋನ್ಸ್

•   Thu, Jan 27 2022 03:53:53 PM



• ಯಕೆ, ಜ 27 (DaijiworldNews/HR): ಮಕ್ಕಳಿಲ್ಲದ ಅನೇಕ ತಂದೆ ತಾಯಿಗಳು ನೋವು ಅನುಭವಿಸುತ್ತಿದ್ದು, ಅಂತವರಿಗೆ ವೀರ್ಯವನ್ನು ದಾನ ಮಾಡುವ ಯುಕೆ ಮೂಲದ ಕ್ಲೈವ್ ಜೋನ್ಸ್(66) ಅವರು ಜಗತ್ತಿನಾದ್ಯಂತ ಸುದ್ದಿಯಾಗಿದ್ದಾರೆ.

  ಜೋನ್ಸ್​ ಅವರು ಇದುವರೆಗೆ 129 ಮಕ್ಕಳ ಜನನಕ್ಕೆ ವೀರ್ಯವನ್ನು ದಾನ ಮಾಡಿದ್ದು, ಫೇಸ್ಬುಕ್​ ಮೂಲಕ ಸಂಪರ್ಕ ಸಾಧಿಸಿ, ತಮ್ಮದೇ ಆದ ವ್ಯಾನ್​ ಒಂದನ್ನು ಇಟ್ಟುಕೊಂಡ ಅವರು ಕಳೆದ 10 ವರ್ಷಗಳಿಂದ ವಿವಿಧ ಪ್ರದೇಶಗಳಿಗೆ ತೆರಳಿ ವೀರ್ಯವನ್ನು ದಾನ ಮಾಡಿದ್ದಾರೆ.

  ಇನ್ನು ಕ್ಲೈವ್ ಜೋನ್ಸ್​​ ಅವರ ವೀರ್ಯವನ್ನು ಜಗತ್ತಿನ ಸಮೃದ್ಧ ವೀರ್ಯ ದಾನಿ ಎಂದೇ ಹೇಳಿಕೊಂಡಿದ್ದಾರೆ.

  ಇದೀಗ ಆರೋಗ್ಯ ತಜ್ಞರು ಇವರ ವೀರ್ಯ ದಾನದ ಬಗ್ಗೆ ಎಚ್ಚರಿಕೆ ನೀಡಿದ್ದು, ಕ್ಲೈವ್​ ಅವರು ವ್ಯಾನ್​ನಲ್ಲಿ ವೀರ್ಯವನ್ನು ಸಂಗ್ರಹಿಸಿ ನೀಡುವುದು ಅಷ್ಟು ಸುರಕ್ಷಿತವಲ್ಲ ಎಂದು ಹೇಳಿಕೆ ನೀಡಿದ್ದಾರೆ. ​

  ಈ ಕುರಿತು ಕ್ಲೈವ್ ಜೋನ್ಸ್​​ ಮಾತನಾಡಿ, ಈ ವರೆಗೆ ಒಟ್ಟು 138 ಶಿಶುಗಳ ಜನನಕ್ಕೆ ವೀರ್ಯವನ್ನು ನೀಡಿದ್ದೇನೆ. ಅದರಲ್ಲಿ 128 ಶಿಶುಗಳ ಜನನವಾಗಿದೆ. ಇನ್ನೂ 9 ಮಹಿಳೆಯರು ಗರ್ಭಿಣಿಯಾಗಿದ್ದಾರೆ. ವೀರ್ಯ ದಾನವನ್ನು ಮುಂದುವರೆಸುವ ಆಸೆಯಿದ್ದು 150 ಮಕ್ಕಳ ಜನನಕ್ಕೆ ವೀರ್ಯವನ್ನು ದಾನ ಮಾಡಬೇಕು ಎಂದು ಹೇಳಿದ್ದಾರೆ.