ಗ್ರೆನೇಡ್ ದಾಳಿ - ಇಬ್ಬರು ಪೊಲೀಸರು ಸೇರಿದಂತೆ 17 ಮಂದಿಗೆ ಗಾಯ

•   Mon, Jan 31 2022 11:24:18 AM



• ಬಲೂಚಿಸ್ತಾನ, ಜ 31 (DaijiworldNews/HR): ಗ್ರೆನೇಡ್ ದಾಳಿಗೆ ಇಬ್ಬರು ಪೊಲೀಸ್ ಅಧಿಕಾರಿಗಳು ಸೇರಿದಂತೆ ಕನಿಷ್ಠ 17 ಜನರು ಗಾಯಗೊಂಡಿರುವ ಘಟನೆ ಪಾಕಿಸ್ತಾನದ ಬಲೂಚಿಸ್ತಾನದ ಜಾಫರಾಬಾದ್ ಜಿಲ್ಲೆಯ ದೇರಾ ಅಲ್ಲಾಯಾರ್ ಪಟ್ಟಣದಲ್ಲಿ ನಡೆದಿದೆ.

  ಸಾಂದರ್ಭಿಕ ಚಿತ್ರ

  ಈ ಕುರಿತು ಪೊಲೀಸರು ಮಾಹಿತಿ ನೀಡಿದ್ದು, ಅಪರಿಚಿತ ಮೋಟರ್‌ಸೈಕ್ಲಿಸ್ಟ್‌ಗಳು ಸುಬತ್‌ಪುರ ಚೌಕ್ ಬಳಿ ಹ್ಯಾಂಡ್ ಗ್ರೆನೇಡ್ ಎಸೆದಿದ್ದು, ಇದು ಸ್ಫೋಟಗೊಂಡು ಇಬ್ಬರು ಟ್ರಾಫಿಕ್ ಪೊಲೀಸ್ ಕಾನ್‌ಸ್ಟೆಬಲ್‌ಗಳು ಸೇರಿದಂತೆ 17 ಜನರು ಗಾಯಗೊಂಡಿದ್ದಾರೆ ಎಂದು ತಿಳಿಸಿದ್ದಾರೆ.

  ಇನ್ನು ಸ್ಫೋಟದ ನಂತರ ಭದ್ರತಾ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಗಾಯಾಳುಗಳನ್ನು ಜಿಲ್ಲಾ ಆಸ್ಪತ್ರೆಗೆ ಸಾಗಿಸಲಾಗಿದ್ದು, ಗಾಯಗೊಂಡವರಲ್ಲಿ ಕನಿಷ್ಠ ನಾಲ್ವರ ಸ್ಥಿತಿ ಗಂಭೀರವಾಗಿದೆ ಎನ್ನಲಾಗಿದೆ.

  ಗಾಯಗೊಂಡವರನ್ನು ಅಬ್ದುಲ್ ರಶೀದ್, ಹಬೀಬುಲ್ಲಾ, ಕಾಂಡೋ, ಹೈದರ್ ಅಲಿ, ಮೊಹ್ಸಿನ್ ಅಲಿ, ಅಬ್ದುಲ್ ರಸೂಲ್, ಮುಹಮ್ಮದ್ ಅಲಿ, ಅಲ್ಲಾ ದೀನಾ, ವಜೀರ್ ಖಾನ್, ಮುಹಮ್ಮದ್ ಸರ್ವರ್, ರೆಹಮತ್ ಅಲಿ ಎಂದು ಗುರುತಿಸಲಾಗಿದೆ.