ಇಂಟರ್ನೆಟ್‌ ಸೆನ್ಸೇಷನ್‌: ಕಿಲಿಪಾಲ್‌ನನ್ನು ಸನ್ಮಾನಿಸಿದ ತಾಂಜೇನಿಯಾದ ಭಾರತೀಯ ಹೈಕಮಿಷನ್‌

•   Tue, Feb 22 2022 12:09:13 PM



• ತಾಂಜೇನಿಯಾ, ಫೆ 22 (DaijiworldNews/KP): ಭಾರತೀಯ ಚಲನಚಿತ್ರ ಹಾಡುಗಳಿಗೆ ಲಿಪ್‌ ಸಿಂಕ್‌ ಮಾಡಿ ಇಂಟರ್ನೆಟ್‌ ಸೆನ್ಸೇಷನ್‌ ಆದ ಕಿಲಿಪಾಲ್‌ ಅವರನ್ನು ತಾಂಜೇನಿಯಾದ ಭಾರತೀಯ ಹೈಕಮಿಷನ್‌ ಸನ್ಮಾನಿಸಿದೆ.

  ಕಿಲಿಪಾಲ್‌ ಅವರು ತಾಂಜೇನಿಯಾದಲ್ಲಿರುವ ಭಾರತೀಯ ರಾಜತಾಂತ್ರಿಕ ಬಿನಾಯ್‌ ಪ್ರಧಾನ್‌ ಅವರನ್ನು ಬೇಟಿಯಾದ ವೇಳೆ ಸಾಮಾಜಿಕ ಮಾಧ್ಯಮಗಳ ಮೂಲಕ ಭಾರತೀಯ ಸಿನೆಮಾವನ್ನು ವಿಶ್ವಾದ್ಯಂತ ಪರಿಚಯಿಸಿದ್ದಕ್ಕಾಗಿ ಅವರನ್ನು ಅಭಿನಂದಿಸಲಾಯಿತ್ತು.

  ಇನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಸಕ್ರಿಯವಾಗರುವವರಿಗೆ ಕಿಲಿಪಾಲ್‌ ಪರಿಚಿತರಾಗಿರುತ್ತಾರೆ.

  ತಾಂಜೇನಿಯಾದ ಕಿಲಿಪಾಲ್‌ ತನ್ನ ಸಹೋದರಿ ನೀಮಾಪಾಲ್‌ ಅವರೊಂದಿಗೆ ಬಾರತೀಯ ಸಿನೆಮಾ ಹಾಡುಗಳಿಗೆ ಲಿಪ್‌ ಸಿಂಕ್‌ ಮಾಡಿ ಅಭಿನಯ ಮಾಡುತ್ತಿದ್ದಾರೆ. ಇವರ ಅಭಿನಯ ಮತ್ತು ಭಾರತೀಯ ಸಿನಿಮಾಗಳ ಬಗ್ಗೆ ಅವಗಿರುವ ಪ್ರೀತಿ ನೋಡಿ ವಿಶ್ವದಾದ್ಯಂತ ಭಾರತೀಯರು ಫಿದಾ ಆಗಿದ್ದಾರೆ.

  ಇನ್ನು ಕಳೆದ ವರ್ಷ ಬಿಡುಗಡೆಯಾದ ಶೇರ್‌ ಷಾ ಚಿತ್ರದ ’ರತನ್‌ ಲ್ಯಾಂಬಿಯನ್‌’ ಚಿತ್ರದ ಹಾಡಿಗೆ ಲಿಪ್‌ ಸಿಂಕ್‌ ಮಾಡುವ ಮೂಲಕ ಸೋಶಿಯಲ್‌ ಮೀಡಿಯಾದಲ್ಲಿ ಸಾಕಷ್ಟು ಸುದ್ದಿಯಾಗಿದ್ದರು, ಅಲ್ಲದೆ ಈ ಚಿತ್ರದ ನಟರಾದ ಸಿದ್ಧಾರ್ಥ್‌ ಮಲ್ಹೋತ್ರಾ, ಕಿಯಾರಾ ಆಡ್ವಾಣಿ, ಆಯುಷ್ಮಾನ್‌ ಖುರಾನಾ, ಗುಲ್‌ ಪನಾಗ್‌ ಮತ್ತು ರಿಚಾ ಚಾಧಾ ಅವರು ಕಿಲಿಪಾಲ್‌ ಅವರನ್ನು ಇನ್‌ಸ್ಟಾಗ್ರಾಮ್‌ ಫಾಲೋ ಮಾಡುತ್ತಿದ್ದಾರೆ.

  ಕಿಲಿಪಾಲ್‌ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಸಾಕಷ್ಟು ಖ್ಯಾತಿ ಪಡೆದಿದ್ದು, ಅಲ್ಲದೆ ಏಳು ತಿಂಗಳಲ್ಲಿ ಇವರ ಫಾಲೋರ್ವಸ್‌ನ ಸಂಖ್ಯೆ 2 ಮಿಲಿಯನ್‌ ದಾಟಿದೆ.