ರಷ್ಯಾ ಟ್ಯಾಂಕ್ ವಶಕ್ಕೆ ಪಡೆದು ಉಕ್ರೆನ್ನಿಯರ ಜಾಲಿರೈಡ್ -ವೀಡಿಯೊ ವೈರಲ್

•   Thu, Mar 03 2022 04:14:26 PM



• ಉಕ್ರೇನ್, ಮಾ 03 (DaijiworldNews/DB): ರಷ್ಯಾ-ಉಕ್ರೇನ್ ನಡುವೆ ಯುದ್ಧದ ಕಾವು ದಿನೇ ದಿನೇ ಏರುತ್ತಿರುವ ನಡುವೆಯೇ ಉಕ್ರೇನ್ ನ ಪುರುಷರ ಗುಂಪೊಂದು ರಷ್ಯಾದ ಟ್ಯಾಂಕ್ ವಶಕ್ಕೆ ಪಡೆದು ಜಾಲಿರೈಡ್ ಮಾಡಿದ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

  24 ಸೆಕೆಂಡ್ ಗಳ ಕಾಲ ಇರುವ ವೀಡಿಯೋದಲ್ಲಿ ರಷ್ಯಾದ ಯುದ್ಧ ಟ್ಯಾಂಕ್ ನ ಮೇಲ್ಭಾಗದಲ್ಲಿ ಈ ಪುರುಷರ ಗುಂಪು ಅತಿವೇಗದಲ್ಲಿ ಚಲಿಸುತ್ತಾ ಸಂತೋಷದ ಸವಾರಿ ಮಾಡಿರುವುದು ದಾಖಲಾಗಿದೆ. ಈ ಪೈಕಿ ಓರ್ವ ವ್ಯಕ್ತಿ ಈ ವೀಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡಿದ್ದು, "ವಿ ಡಿಡ್ ಇಟ್’ ಮತ್ತು "ಉಕ್ರೇನ್ ಗೆ ಇದೊಂದು ವೈಭವ’ ಎಂದು ತಮ್ಮ ಮಾತೃಭಾಷೆಯಲ್ಲಿ ಬರೆದುಕೊಂಡಿದ್ದಾರೆ.

  ಹಲವು ಉಕ್ರೆನ್ನಿಯರು ಇದಕ್ಕೆ ಕಮೆಂಟ್ ಮಾಡಿದ್ದಾರೆ. ವೀಡಿಯೋದಲ್ಲಿ ಮಿಲಿಟರಿ ಟ್ಯಾಂಕ್ ನ ಸಂಖ್ಯೆ ಟಿ-80 ಬಿವಿಎಂ ಎಂದು ದಾಖಲಾಗಿದೆ.