ಭಾರತದ ಧ್ವಜ ಉಳಿಸಿಕೊಂಡು ಇತರ ಧ್ವಜಗಳಿಗೆ ಬಣ್ಣ ಬಳಿದ ರಷ್ಯಾ!

•   Thu, Mar 03 2022 06:05:35 PM



• ನವದೆಹಲಿ, ಮಾ 03 (DaijiworldNews/DB): ರಷ್ಯಾ ಉಡಾವಣೆ ಮಾಡಲು ನಿರ್ಧರಿಸಿದ್ದ ಸೋಯಝ್ ರಾಕೆಟ್ ಮೇಲಿರುವ ವಿವಿಧ ದೇಶಗಳ ಧ್ವಜಗಳ ಚಿತ್ರಗಳನ್ನು ಬಿಳಿ ಬಣ್ಣದಿಂದ ಮುಚ್ಚಲಾಗಿದೆ. ಆದರೆ ಭಾರತ ಸೇರಿದಂತೆ ಮೂರು ದೇಶಗಳ ಧ್ವಜದ ಚಿತ್ರಗಳನ್ನು ರಷ್ಯಾ ಹಾಗೇ ಉಳಿಸಿಕೊಂಡಿದೆ.

  ರಷ್ಯಾದ ಬಾಹ್ಯಾಕಾಶ ಸಂಸ್ಥೆಯ ರಾಸ್ಕೋಸ್ಮೋಸ್ ಮುಖ್ಯಸ್ಥ ಡಿಮಿಟ್ರಿ ರೋಗೋಜಿನ್ ಈ ವೀಡಿಯೋವನ್ನು ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದು, ರಾಕೆಟ್ ಮೇಲಿದ್ದ ಅಮೆರಿಕಾ, ಜಪಾನ್ ಮತ್ತು ಯುಕೆಯ ಧ್ವಜಗಳನ್ನು ಕೆಲಸಗಾರರ ತಂಡ ಬಣ್ಣ ಬಳಿದು ಮುಚ್ಚಿದ್ದಾರೆ. ಆದರೆ ಭಾರತ, ಫ್ರೆಂಚ್ ಮತ್ತು ದಕ್ಷಿಣ ಕೊರಿಯಾದ ಧ್ವಜಗಳನ್ನು ಮುಚ್ಚದೆ ಹಾಗೆಯೇ ಬಿಟ್ಟಿರುವುದು ವೀಡಿಯೋದಲ್ಲಿ ಕಾಣುತ್ತಿದೆ.