22 ನೇ ಹರೆಯದಲ್ಲಿ ಸಾವನ್ನಪ್ಪಿದ ರಾಪರ್-ಯೂಟ್ಯೂಬರ್ ಲಿಲ್ ಬೋ

•   Tue, Mar 08 2022 04:08:58 PM



• ವಾಷಿಂಗ್ಟನ್ , ಮಾ 08 (DaijiworldNews/MS):  ಆಸ್ಟ್ರೇಲಿಯಾದ ರಾಪರ್-ಯೂಟ್ಯೂಬರ್ ಲಿಲ್ ಬೋ ವೀಪ್ 22 ನೇ ವಯಸ್ಸಿನಲ್ಲಿ ನಿಧನರಾಗಿದ್ದಾರೆ.

  ಲಿಲ್ ಬೋ ವೀಪ್ ಅವರ ತಂದೆ ಥ್ಯೂ ಸ್ಕೋಫೀಲ್ಡ್, ಭಾನುವಾರ (6 ಮಾರ್ಚ್) ಆಕೆಯ ಸಾವಿನ ಸುದ್ದಿಯನ್ನುಫೇಸ್‌ಬುಕ್ ಪೋಸ್ಟ್‌ನ ಮೂಲಕ ದೃಢಪಡಿಸಿದ್ದಾರೆ.

  ಮಾನಸಿಕ ಖಿನ್ನತೆ, ಆಘಾತ, ಪಿಟಿಎಸ್‌ಡಿ ( ಮಾನಸಿಕ ಅನಾರೋಗ್ಯ ) ಮತ್ತು ಮಾದಕ ವ್ಯಸನದ ವಿರುದ್ಧ ನನ್ನ ಮಗಳ ಜೀವನಕ್ಕಾಗಿ ಹೋರಾಟವನ್ನು ನಾವು ಕಳೆದುಕೊಂಡಿದ್ದೇವೆ, ನಾವು ಅವಳನ್ನು ಅಮೆರಿಕದಿಂದ ತುರ್ತು ವಾಪಸಾತಿಗಾಗಿ ವಿದೇಶಾಂಗ ವ್ಯವಹಾರ ಇಲಾಖೆ ಮೂಲಕ ಮರಳಿ ಪಡೆದಾಗಿನಿಂದ ನಾವು ಹೋರಾಡುತ್ತಿದ್ದೇವೆ ಆದರೆ ಸೋಲನುಭವಿಸಿದ್ದೇವೆ " ಎಂದು ಲಿಲ್ ಬೋ ತಂದೆ ಬರೆದಿದ್ದಾರೆ.

  ಲಿಲ್ ಬೋ ವೀಪ್, ಅವರ ನಿಜವಾದ ಹೆಸರು ವಿನೋನಾ ಲಿಸಾ ಗ್ರೀನ್. 2015ರಲ್ಲಿ ಆಕೆ ಸೌಂಡ್ ಕ್ಲೌಡ್ ಮೂಲಕ ತನ್ನ ಮ್ಯೂಸಿಕ್ ಗಳನ್ನು ಹಂಚಿಕೊಳ್ಳುತ್ತಿದ್ದಳು. ಯೂಟ್ಯೂಬ್ ನಲ್ಲಿ ಲಕ್ಷಾಂತರ ಚಂದಾದಾರರನ್ನು ಹೊಂದಿದ್ದ ಲಿಲ್ ಬೋ ವೀಪ್ ನಿಧನಕ್ಕೆ ಅಭಿಮಾನಿಗಳು ಸಂತಾಪ ಸೂಚಿಸಿದ್ದಾರೆ.