'ಕಪಿಲ್ ಶರ್ಮಾ ಶೋಗಾಗಿ ಇಮ್ರಾನ್ ಖಾನ್ ಪ್ರಯತ್ನಿಸಬಹುದು' - ಮಾಜಿ ಪತ್ನಿ ಲೇವಡಿ

•   Thu, Apr 14 2022 01:42:45 PM



• ಇಸ್ಲಾಮಾಬಾದ್ , ಏ 14 (DaijiworldNews/MS): ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಉತ್ತಮ "ಹಾಸ್ಯ ಪ್ರತಿಭೆ" ಹೊಂದಿದ್ದು ಕಪಿಲ್ ಶರ್ಮಾ ಶೋನಲ್ಲಿ ನವಜೋತ್ ಸಿಂಗ್ ಸಿಧು ಅವರ ಸ್ಥಾನಕ್ಕೆ ಅವರು ಉತ್ತಮ ಬದಲಿಯಾಗಬಹುದು ಎಂದು ಇಮ್ರಾನ್ ಖಾನ್ ಅವರ ಮಾಜಿ ಪತ್ನಿ ರೆಹಮ್ ಖಾನ್ ವ್ಯಂಗ್ಯವಾಡಿದ್ದಾರೆ.

  "ಯಾವುದೇ ಸೂಪರ್ ಪವರ್ ಭಾರತಕ್ಕೆ ಷರತ್ತುಗಳನ್ನು ವಿಧಿಸಲು ಸಾಧ್ಯವಿಲ್ಲ" ಎಂಬ ಇಮ್ರಾನ್ ಖಾನ್ ಹೇಳಿಕೆ ಬಗ್ಗೆ ಪಾಕಿಸ್ತಾನಿ ವರದಿಗಾರರೊಂದಿಗೆ ಮಾತನಾಡಿದ ಅವರು, ಇಮ್ರಾನ್ ಖಾನ್ ಅವರು ಬಾಲಿವುಡ್‌ನಲ್ಲಿ ಪ್ರಯತ್ನಿಸಬೇಕು ಎಂದು ಲೇವಡಿ ಮಾಡಿದ್ದಾರೆ.

  ಪ್ರಧಾನಿ ಹುದ್ದೆ ಕಳೆದುಕೊಂಡು ಅವರು ಭಾವುಕರಾಗಿದ್ದಾರೆ. ಭಾರತವು ಅವರಿಗಾಗಿ ಬಾಲಿವುಡ್ ನಲ್ಲಿ ಅವಕಾಶ ನೀಡಬೇಕು. ಅವರು ಆಸ್ಕರ್-ವಿಜೇತರಾಗುವಂತಹ ಅಭಿನಯವನ್ನು ನೀಡಬಹುದೆಂದು ನಾನು ನಂಬುತ್ತೇನೆ ಎಂದಿದ್ದಾರೆ

  ಹೀರೋ ಅಥವಾ ಖಳನಾಯಕಿ ಎಂದು ಪತ್ರಕರ್ತರು ಮರು ಪ್ರಶ್ನೆ ಎಸೆದಾಗ ಪ್ರತಿಕ್ರಿಯಿಸಿದ ಅವರು, "ಅದು ಅವರಿಗೆ ಬಿಟ್ಟದ್ದು. ಬಾಲಿವುಡ್‌ನಲ್ಲಿ ಹೀರೋಗಳು ವಿಲನ್ ಆಗುತ್ತಾರೆ ಮತ್ತು ಖಳನಾಯಕರು ಹೆಚ್ಚು ಜನಪ್ರಿಯರಾಗುತ್ತಾರೆ. ಆದರೆ ಅವರಲ್ಲಿ ಹಾಸ್ಯ ಪ್ರತಿಭೆ ಇದೆ ಎಂದು ನನಗೆ ಅನಿಸುತ್ತದೆ. ಬೇರೇನೂ ಇಲ್ಲದಿದ್ದರೆ ಅವರು ಕಪಿಲ್ ಶರ್ಮಾ ಕಾರ್ಯಕ್ರಮದ ಖಾಲಿಯಾಗಿರುವ ಸ್ಥಾನ, ಅಥವಾ ನವಜೋತ್ ಸಿಧು ಅವರ ಸ್ಥಾನ ತೆಗೆದುಕೊಳ್ಳಬಹುದು ಎಂದು ಟೀಕಿಸಿದ್ದಾರೆ.