ಅಫ್ಘಾನ್‌ನಲ್ಲಿ ಪಾಕ್‌ನಿಂದ ವೈಮಾನಿಕ ದಾಳಿ-40ಕ್ಕೂ ಅಧಿಕ ಸಾವು

•   Sun, Apr 17 2022 03:26:45 PM



• ಕಾಬೂಲ್ (ಅಫ್ಘಾನಿಸ್ತಾನ), ಏ 17 (DaijiworldNews/DB): ಪಾಕಿಸ್ತಾನಿ ವಿಮಾನಗಳು ಅಫ್ಘಾನಿಸ್ತಾನದ ಮೇಲೆ ವೈಮಾನಿಕ ದಾಳಿ ನಡೆಸಿದ ಪರಿಣಾಮ ಮಕ್ಕಳು ಸೇರಿದಂತೆ 40ಕ್ಕೂ ಅಧಿಕ ಆಫ್ಘನ್ ನಾಗರಿಕರು ಮೃತಪಟ್ಟಿದ್ದಾರೆ.

  ಪಾಕ್ ವೈಮಾನಿಕ ದಾಳಿಯ ಕುರಿತು ಟ್ವೀಟರ್‌ನಲ್ಲಿ ಹಂಚಿಕೊಂಡಿರುವ ಅಪ್ಘಾನ್ ಪತ್ರಕರ್ತ ಹಬೀಬ್ ಖಾನ್, ಶುಕ್ರವಾರ ರಾತ್ರಿ ಪಾಕಿಸ್ತಾನಿ ವಿಮಾನಗಳು ಖೋಸ್ಟ್ ಮತ್ತು ಕುನಾರ್ ಪ್ರಾಂತ್ಯಗಳ ವಿವಿಧ ಭಾಗಗಳಲ್ಲಿ ನಡೆಸಿದ ದಾಳಿ ನಡೆಸಿವೆ. ಪಾಕ್‌ನ ಈ ನಡೆ ಖಂಡನೀಯ. ತಾಲಿಬಾನ್ ಅಡಿಯಲ್ಲಿ ಪಾಕ್ ಮಿಲಿಟರಿ ವಿಮಾನ ಮೊದಲ ಬಾರಿಗೆ ದಾಳಿ ನಡೆಸಿ ನಾಗರಿಕರನ್ನು ಕೊಂದಿದೆ ಎಂದು ಹೇಳಿದ್ದಾರೆ.

  ಪಾಕ್‌ ಈ ರೀತಿಯ ಕೃತ್ಯ ನಡೆಸುತ್ತಿರುವುದು ಇದೇ ಮೊದಲಲ್ಲ. ಪಾಕಿಸ್ತಾನದ ದುಷ್ಕೃತ್ಯಗಳ ಬಗ್ಗೆ ನಿಗಾ ಇಡುವ ದೃಷ್ಟಿಯಿಂದ ಅಫ್ಘಾನಿಸ್ತಾನದಲ್ಲಿ ಅಂತಾರಾಷ್ಟ್ರೀಯ ಕ್ರಿಮಿನಲ್ ನ್ಯಾಯಾಲಯ ಮತ್ತು ಅಮ್ನೆಸ್ಟಿ ಇಂಟರ್‌ನ್ಯಾಶನಲ್‌ನ ಸ್ಥಾಪನೆ ತೀರಾ ಅಗತ್ಯವಾಗಿದೆ ಎಂದವರು ಒತ್ತಾಯಿಸಿದ್ದಾರೆ.

  For the first time ever, Pakistani military aircrafts bombarded Afghan soil under the Taliban, killing more than 40 civilians. Though, Pakistan has been killing Afghans through her proxy forces, the Taliban and Mujahideen, for decades. #SanctionPakistan

  — Habib Khan (@HabibKhanT) April 16, 2022