ಟ್ವಿಟರ್ ನಂತರ ಕೋಕಾ-ಕೋಲಾ ಮೇಲೆ ಕಣ್ಣಿಟ್ಟಿದ್ದಾರೆಯೇ ಎಲೋನ್ ಮಸ್ಕ್!

•   Thu, Apr 28 2022 02:47:02 PM



• ವಾಷಿಂಗ್ಟನ್, ಏ 28 (DaijiworldNews/MS): ವಿಶ್ವದ ಪ್ರಮುಖ ಸಾಮಾಜಿಕ ಮಾಧ್ಯಮ ಮೈಕ್ರೋ-ಬ್ಲಾಗಿಂಗ್ ಸೈಟ್ ಟ್ವಿಟರ್ ಅನ್ನು ಖರೀದಿಸಿದ ಕೊನೆಯ 48 ಗಂಟೆಗಳ ನಂತರ, ಬಿಲಿಯನೇರ್ ಎಲೋನ್ ಮಸ್ಕ್ ಮತ್ತೊಂದು ವಿಚಿತ್ರ ಟ್ವೀಟ್ ನಲ್ಲಿ ' ಕೋಕಾ-ಕೋಲಾ ಹಾಗೂ ಮೆಕ್‌ಡೊನಾಲ್ಡ್ಸ್ ಮೇಲೆ ಕಣ್ಣಿಟ್ಟಿದ್ದಾರೆ ಎಂದು ಹೇಳಿದ್ದಾರೆ.

  ಟ್ವಿಟರ್‌ ಅನ್ನುಈಗಾಗಲೇ ಎಲೋನ್ ಮಸ್ಕ್ ತನ್ನ ತೆಕ್ಕೆಗೆ ಪೆದುಕೊಂಡಿದ್ದಾನೆ. ಈ ನಡುವೆ ಮತ್ತೊಂದು ವಿಲಕ್ಷಣ ಟ್ವೀಟ್‌ನಲ್ಲಿ, ಟ್ವಿಟರ್ ಮಾಲೀಕ ಮಸ್ಕ್ ಇಂದು 'ಕೊಕೇನ್ ಅನ್ನು ಮರಳಿ ಹಾಕಲು' ಕೋಕಾ-ಕೋಲಾವನ್ನು ಖರೀದಿಸಲು ಯೋಜಿಸಿದ್ದೇನೆ ಅಂತ ಬರೆದುಕೊಂಡಿದ್ದಾರೆ.

  ಈ ಹಿಂದೆ, ಮಸ್ಕ್ ಅವರು ಮೆಕ್‌ಡೊನಾಲ್ಡ್ಸ್ ಅನ್ನು ಖರೀದಿಸಲು ಮತ್ತು ಎಲ್ಲಾ ಐಸ್ ಕ್ರೀಮ್ ಯಂತ್ರಗಳನ್ನು ಸರಿಪಡಿಸಲು ಬಯಸುವುದಾಗಿ ಟ್ವೀಟ್ ಮಾಡಿದ್ದರು. ಇಂದು ಬೆಳಿಗ್ಗೆ, ಮಸ್ಕ್ ತನ್ನ ಹಿಂದಿನ ಮೆಕ್‌ಡೊನಾಲ್ಡ್ ಟ್ವೀಟ್ ಅನ್ನು ಉಲ್ಲೇಖಿಸಿ, "ಆಲಿಸಿ, ನಾನು ಪವಾಡಗಳನ್ನು ಮಾಡಲು ಸಾಧ್ಯವಿಲ್ಲ" ಎಂದು ಬರೆದಿದ್ದಾರೆ.

  ಅಲ್ಲದೆ ಇದು ತಮಾಷೆ ಮಾಡಿರುವ ಮಾತೇ ಎಂಬುವುದು ಮಸ್ಕ್ ಮಾತ್ರ ಬಲ್ಲವರಾಗಿದ್ದಾರೆ.