ದಾನಿಶ್ ಸಿದ್ದಿಖಿ ಸಹಿತ ನಾಲ್ವರು ಭಾರತೀಯರು ಪ್ರತಿಷ್ಠಿತ ಪುಲಿಟ್ಜರ್ ಪ್ರಶಸ್ತಿಗೆ ಆಯ್ಕೆ

•   Tue, May 10 2022 02:35:53 PM



• ವಾಷಿಂಗ್ಟನ್, ಮೇ 10 (DaijiworldNews/DB): ಪ್ರತಿಷ್ಠಿತ ಪುಲಿಟ್ಜರ್ ಪ್ರಶಸ್ತಿಗೆ 2022ನೇ ಸಾಲಿನಲ್ಲಿ ದಾನಿಶ್ ಸಿದ್ದಿಖಿ ಸಹಿತ ನಾಲ್ವರು ಛಾಯಾಗ್ರಾಹಕರು ಭಾಜನರಾಗಿದ್ದಾರೆ. ಅದ್ನಾನ್ ಅಬ್ದಿ, ಸನಾ ಇರ್ಷಾದ್ ಮಾಟ್ಟೋ, ಅಮೀತ್ ಆವೆ ಹಾಗೂ ದಾನಿಶ್ ಸಿದ್ದಿಖಿ ಪ್ರಶಸ್ತಿಗೆ ಆಯ್ಕೆಯಾದವರು.

  ಭಾರತದಲ್ಲಿನ ಕೋವಿಡ್ 19 ಗೆ ಸಂಬಂಧಿಸಿದ ಫೀಚರ್ ಫೋಟೋಗ್ರಫಿ ವಿಭಾಗದಲ್ಲಿಈ ನಾಲ್ವರು ಪ್ರಶಸ್ತಿ ಗೆದ್ದಿದ್ದಾರೆ. ಪತ್ರಿಕೋದ್ಯಮ, ಪುಸ್ತಕ, ರಂಗಭೂಮಿ ಮತ್ತು ಸಂಗೀತ ಕ್ಷೇತ್ರದಲ್ಲಿ ಗಣನೀಯ ಸೇವೆ ಸಲ್ಲಿಸಿದವರಿಗೆ ಸೋಮವಾರ ಈ ಪ್ರಶಸ್ತಿಯನ್ನು ಘೋಷಿಸಲಾಯಿತು.

  ಈ ಬಾರಿಯ ಪ್ರಶಸ್ತಿಯಲ್ಲಿ ಉಕ್ರೇನ್ ಪತ್ರಕರ್ತರಿಗೆ ವಿಶೇಷ ಒತ್ತು ನೀಡಲಾಗಿದೆ. ರಷ್ಯಾ ದಾಳಿಯ ಬಗ್ಗೆ ಧೈರ್ಯ ಮತ್ತು ಸಾಹಸದೊಂದಿಗೆ ನಿಷ್ಠೆಯಿಂದ ವರದಿ ಮಾಡಿದ ಪತ್ರಕರ್ತರನ್ನು ಪ್ರಶಸ್ತಿಗೆ ಗುರುತಿಸಲಾಗಿದೆ ಎಂದು ಪ್ರಶಸ್ತಿ ಆಯ್ಕೆ ಸಮಿತಿ ತಿಳಿಸಿರುವುದಾಗಿ ವರದಿಯಾಗಿದೆ.

  ದಾನಿಶ್ ಸಿದ್ದಿಖಿ ಅಫ್ಘಾನಿಸ್ತಾನದಲ್ಲಿ ಕಳೆದ ಜುಲೈನಲ್ಲಿ ಹತ್ಯೆಗೀಡಾಗಿದ್ದರು.