ಪೊಲೀಸ್ ವಾಹನದಡಿ ಸಿಕ್ಕಿಕೊಂಡ ಮೊಸಳೆ

•   Sat, Jul 23 2022 03:33:09 PM



• ಫ್ಲೋರಿಡಾ, ಜು 23 (DaijiworldNews/DB): ಫ್ಲೋರಿಡಾ ಪೊಲೀಸರ ಗಸ್ತು ವಾಹನದ ಕೆಳಗೆ ಮೊಸಳೆಯೊಂದು ಸಿಕ್ಕಿ ಹಾಕಿಕೊಂಡ ಘಟನೆ ನಡೆದಿದ್ದು, ಇದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

  ಫ್ಲೋರಿಡಾದ ಲೀಸ್​ರ್ಬಗ್​ ಪೊಲೀಸರ ಗಸ್ತು ವಾಹನದ ಕೆಳಗೆ ಮೊಸಳೆ ಸಿಕ್ಕಿ ಹಾಕಿಕೊಂಡಿತ್ತು. ವೇಗವಾಗಿ ಬಂದ ಮೊಸಳೆ ವಾಹನದಡಿ ಸಿಕ್ಕಿ ಹಾಕಿಕೊಂಡು ಅದನ್ನು ತೆಗೆಯಲು ಸಾಕಷ್ಟು ತೊಂದರೆ ಉಂಟಾಯಿತು. ಆದಾಗ್ಯೂ ಯಾವುದೇ ಹಾನಿಯಾಗದಂತೆ ಸುರಕ್ಷಿತವಾಗಿ ಹೊರ ತೆಗೆಯಲಾಗಿದೆ ಎಂದು ಪೊಲೀಸರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

  ಕೆಲ ವಾರಗಳ ಹಿಂದೆ ಗಾಲ್ಫ್‌ ಆಟಗಾರನ ಹಿಂದೆ ಬಂದಿದ್ದ ಮೊಸಳೆಯ ವೀಡಿಯೋವನ್ನು ಮೆಲಿಸ್ಸಾ ಎಂಬ ಮಹಿಳೆಯೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಫ್ಲೋರಿಡಾದಲ್ಲಿ ಇಂತಹ ಹಲವು ಘಟನೆಗಳು ಈ ಹಿಂದೆ ನಡೆದಿವೆ ಎನ್ನಲಾಗಿದೆ.