ಬ್ರಿಟನ್ ವಿವಿ ವಿದ್ಯಾರ್ಥಿ ಸಂಘದ ಅಧ್ಯಕ್ಷನಾದ ಭಾರತೀಯ

•   Sat, Jul 30 2022 05:23:33 PM



• ಡರ್ಹಾಮ್ (ಬ್ರಿಟನ್), ಜು 30 (DaijiworldNews/DB): ಇಂಗ್ಲೆಂಡ್‌ನ ಪ್ರತಿಷ್ಠಿತ ಡರ್ಹಾಮ್ ವಿಶ್ವವಿದ್ಯಾಲಯದಲ್ಲಿ ಅಧ್ಯಯನ ನಡೆಸುತ್ತಿರುವ ಮಥುರಾದ ವಿದ್ಯಾರ್ಥಿ ಆದಿತ್ಯ ಲಾಥರ್ ಅವರು ವಿಶ್ವ ವಿದ್ಯಾನಿಲಯದ ಪಿಜಿ ಅಧ್ಯಕ್ಷ ಹುದ್ದೆಯನ್ನು ಅಲಂಕರಿಸಿದ್ದಾರೆ.

  ಸಮಾಜವಾದಿ ಪಕ್ಷದ(ಎಸ್‌ಪಿ) ನಾಯಕ ಸಂಜಯ್ ಲಾಥರ್ ಅವರ ಪುತ್ರನಾಗಿರುವ ಆದಿತ್ಯ ಲಾಥರ್ ಈ ಹುದ್ದೆ ಅಲಂಕರಿಸಿದ ಭಾರತೀಯ.

  ಮಗ ಬ್ರಿಟನ್‌ ವಿವಿಯಲ್ಲಿ ಉನ್ನತ ಹುದ್ದೆ ಅಲಂಕರಿಸಿರುವುದರ ಕುರಿತು ಮಾತನಾಡಿದ ತಂದೆ ಸಂಜಯ್ ಲಾಥರ್, 40 ಸಾವಿರ ಮತದಾರರು ಡರ್ಹಾಮ್ ವಿವಿಯಲ್ಲಿದ್ದಾರೆ. ಸ್ನಾತಕೋತ್ತರ ವಿಭಾಗದಲ್ಲೇ 20 ಸಾವಿರಕ್ಕೂ ಹೆಚ್ಚು ಮತ ಇಲ್ಲಿದೆ. ಬ್ರಿಟನ್ ನೆಲದಲ್ಲಿ ಮಗನ ಸಾಧನೆ ಖುಷಿ ತಂದಿದೆ ಎಂದು ತಿಳಿಸಿರುವುದಾಗಿ ವರದಿಯಾಗಿದೆ.

  ಆದಿತ್ಯ ಇಂಡಿಯನ್ ಸೊಸೈಟಿ ಆಫ್ ಸ್ಟೂಡೆಂಟ್ಸ್ ಯೂನಿಯನ್‌ನ ಮಾಜಿ ಅಧ್ಯಕ್ಷ ಮತ್ತು ಮಾಜಿ ಎನ್‌ಯುಎಸ್ ಪ್ರತಿನಿಧಿಯಾಗಿದ್ದಾರೆ.