ಅಪಘಾತಗೊಂಡ ಕಾರಿಗೆ ಹೊತ್ತಿಕೊಂಡ ಬೆಂಕಿ-ಸುಟ್ಟ ಗಾಯದೊಂದಿಗೆ ಆಸ್ಪತ್ರೆ ಸೇರಿದ ಹಾಲಿವುಡ್ ನಟಿ

•   Sat, Aug 06 2022 06:11:45 PM



• ಕ್ಯಾಲಿಫೋರ್ನಿಯಾ, ಆ 06 (DaijiworldNews/DB): ಕಾರು ಅಪಘಾತಗೊಂಡು ಬೆಂಕಿ ಹೊತ್ತಿಕೊಂಡ ಪರಿಣಾಮ ಹಾಲಿವುಡ್ ನಟಿ ಅನ್ನೆ ಹೆಚ್ಚೆ ಅವರ ದೇಹ ಬಹುತೇಕ ಸುಟ್ಟುಹೋದ ಘಟನೆ ಕ್ಯಾಲಿಫೋರ್ನಿಯಾದಲ್ಲಿ ನಡೆದಿದೆ.

  53ರ ಹರೆಯದ ಅನ್ನೆ ನೀಲಿ ಬಣ್ಣದ ಮಿನಿ ಕೂಪರ್‍ ಕಾರು ಚಲಾಯಿಸುತ್ತಿದ್ದ ವೇಳೆ ಅಪಾರ್ಟ್‌ಮೆಂಟ್‌ವೊಂದಕ್ಕೆ ಕಾರು ಢಿಕ್ಕಿಯಾಗಿದೆ. ಢಿಕ್ಕಿಯ ರಭಸಕ್ಕೆ ಕಾರಿಗೆ ಬೆಂಕಿ ಹೊತ್ತಿಕೊಂಡಿದೆ. ಇದರಿಂದಾಗಿ ಕಾರಿನಲ್ಲಿದ್ದ ನಟಿಯ ದೇಹವೂ ಬಹುತೇಕ ಬೆಂಕಿಯಿಂದ ಸುಟ್ಟು ಹೋಗಿದ್ದು, ಆಕೆಯನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಆಕೆಯ ಪರಿಸ್ಥಿತಿ ಚಿಂತಾಜನಕವಾಗಿದೆ ಎಂದು ಅಗ್ನಿಶಾಮಕ ಅಧಿಕಾರಿಗಳು ತಿಳಿಸಿರುವುದಾಗಿ ವರದಿಯಾಗಿದೆ.

  ಡೊನ್ನಿ ಬ್ರಾಸ್ಕೋ, ಸಿಕ್ಸ್‌ ಡೇಸ್‌ ಸೆವೆನ್‌ ನೈಟ್ಸ್‌, ವಾಗ್‌ ದ ಡಾಗ್‌ ಮುಂತಾದ ಚಿತ್ರಗಳಲ್ಲಿ ಅನ್ನೆ ನಟಿಸಿದ್ದಾರೆ. ಅಲ್ಲದೆ, ದಿ ಬ್ರೇವ್‌, ಕ್ವಾಂಟಿಕೊ, ಚಿಕಾಗೋ ಪಿಡಿ ಸೇರಿದಂತೆ ಅನೇಕ ಟಿವಿ ಸಿರೀಸ್‌ಗಳಲ್ಲಿ ಕೂಡಾ ನಟಿಸಿದ್ದರು.