ಭಾರತದ ಮೇಲೆ ದಾಳಿಗೆ ಸಂಚು - ರಷ್ಯಾದಲ್ಲಿ ಉಗ್ರನ ಬಂಧನ

•   Mon, Aug 22 2022 02:35:15 PM



• ರಷ್ಯಾ, ಆ 22 (DaijiworldNews/MS): ಭಾರತದ ಮೇಲೆ ಆತ್ಮಾಹುತಿ ದಾಳಿ ನಡೆಸಲು ಸಂಚು ರೂಪಿಸಿದ್ದ ಐಸಿಸ್ ಉಗ್ರಗಾಮಿ ಸಂಘಟನೆಯ ಆತ್ಮಾಹುತಿ ಬಾಂಬರ್ ನನ್ನು ರಷ್ಯಾದಲ್ಲಿ ಬಂಧಿಸಲಾಗಿದೆ.

  ಭಾರತದಲ್ಲಿ ಆಡಳಿತಾರೂಢ ಪಕ್ಷದ ಪ್ರಮುಖ ಮುಖಂಡರೊಬ್ಬರನ್ನುಆತ್ಮಾಹುತಿ ದಾಳಿ ಮೂಲಕ ಹತ್ಯೆಗೆ ಸಂಚು ರೂಪಿಸಿದ್ದ ಉಗ್ರರನ್ನು ರಷ್ಯಾದ ಫೆಡರಲ್ ಸೆಕ್ಯುರಿಟಿ ಸರ್ವೀಸ್ (ಎಫ್ ಎಸ್ ಬಿ) ಬಂಧಿಸಿದೆ.

  ಬಂಧಿತ ವ್ಯಕ್ತಿ ಯಾವ ದೇಶದ ಪ್ರಜೆ ಎಂದು ತಿಳಿದು ಬಂದಿಲ್ಲ. ಆದರೆ, ಆತನನ್ನು ಆತ್ಮಹುತಿ ದಾಳಿ ನಡೆಸುವ ಸಲುವಾಗಿಯೇ ಟರ್ಕಿ ದೇಶದಲ್ಲಿ ನೇಮಕ ಮಾಡಿಕೊಳ್ಳಲಾಗಿತ್ತು ಎಂದು ತಿಳಿದು ಬಂದಿದೆ.

  ಐಸಿಸ್ ಉಗ್ರ ರಷ್ಯಾದಲ್ಲಿ ಸೆರೆಸಿಕ್ಕುವ ಮೂಲಕ ಭಾರೀ ದಾಳಿಯ ಸಂಚು ವಿಫಲಗೊಂಡಂತಾಗಿದೆ.