ನೈಋತ್ಯ ಚೀನಾದಲ್ಲಿ ಬಸ್ ಅಪಘಾತ- 27 ಮಂದಿ ಮೃತ್ಯು

•   Sun, Sep 18 2022 01:52:48 PM



• ಬೀಜಿಂಗ್, ಸೆ 18 (DaijiworldNews/DB): ನೈಋತ್ಯ ಚೀನಾದ ಗೈಝಾ ಪ್ರಾಂತ್ಯದ ಹೆದ್ದಾರಿಯಲ್ಲಿ ಇಂದು ಮುಂಜಾನೆ ಬಸ್ ಅಪಘಾತ ಸಂಭವಿಸಿ 27 ಮಂದಿ ಸಾವನ್ನಪ್ಪಿದ ಘಟನೆ ನಡೆದಿದೆ. ಘಟನೆಯಲ್ಲಿ 20 ಮಂದಿ ಗಾಯಗೊಂಡಿದ್ದಾರೆ.

  ಗೈಝೌ ಪ್ರಾಂತ್ಯವು ಪರ್ವತ ಪ್ರದೇಶವಾಗಿದ್ದು, ಗೈಝಾದ ರಾಜಧಾನಿ ಗಾಯಾಂಗ್‌ನ ಆಗ್ನೇಯ ಭಾಗದಲ್ಲಿರುವ ಸಂಡು ಕೌಂಟಿಯಲ್ಲಿ ಅಪಘಾತ ಸಂಭವಿಸಿದೆ. ಪರ್ವತ ಪ್ರದೇಶದಲ್ಲಿ ಸಂಚರಿಸುತ್ತಿದ್ದ ವೇಳೆ ಒಂದು ಕಡೆಗೆ ಬಸ್ ವಾಲಿ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ. ಆದರೆ ನಿಖರ ಕಾರಣ ತಿಳಿದು ಬಂದಿಲ್ಲ.

  ಒಟ್ಟು47 ಮಂದಿ ಪ್ರಯಾಣಿಕರನ್ನು ಹೊತ್ತು ಬಸ್ ಸಂಚರಿಸುತ್ತಿತ್ತು. ಅಪಘಾತದಲ್ಲಿ ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.