ಏರ್ ರೇಸ್ ಸ್ಪರ್ಧೆಯಲ್ಲಿ ವಿಮಾನ ಪತನ - ಪೈಲಟ್ ಮೃತ್ಯು, ಭಯಾನಕ ವಿಡಿಯೋ ವೈರಲ್

•   Tue, Sep 20 2022 11:38:52 AM



• ಅಮೇರಿಕಾ, ಸೆ 20 (DaijiworldNews/HR): ವಾರ್ಷಿಕ ಏರ್ ರೇಸ್ ಸ್ಪರ್ಧೆಯ ಸಂದರ್ಭದ ವಿಮಾನವೊಂದು ಪತನಗೊಂಡು ಅಪಘಾತದಲ್ಲಿ ಪೈಲಟ್ ಸಾವನ್ನಪ್ಪಿರುವ ಘಟನೆ ಯುಎಸ್‌ನ ನೆವಾಡಾದಲ್ಲಿ ಭಾನುವಾರ ಸಂಭವಿಸಿದೆ.

  ರೆನೋ ಏರ್ ರೇಸ್‌ನ ಅಂತಿಮ ದಿನದಂದು ಚಾಂಪಿಯನ್‌ಶಿಪ್ ಸುತ್ತಿನಲ್ಲಿ ಈ ಘಟನೆ ನಡೆದಿದ್ದು, ಜೆಟ್ ಗ್ಲೋಡ್ ರೇಸ್‌ನ ಮೂರನೇ ಲ್ಯಾಪ್‌ನಲ್ಲಿ ವಿಮಾನವು ಅಪ್ಪಳಿಸಿ ಕೆಳಗೆ ಬಿದ್ದು ಬೆಂಕಿ ಹತ್ತಿಕೊಂಡು ಪೈಲಟ್ ಮೃತಪಟ್ಟಿದ್ದಾರೆ.

  ಈ ಭಯಾನಕ ದೃಶ್ಯ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಇದನ್ನು ಯೂಟ್ಯೂಬ್‌ನಲ್ಲಿ ಹಂಚಿಕೊಳ್ಳಲಾಗಿದ್ದು, ಅದರಲ್ಲಿ ವಿಮಾನವು ನೆಲಕ್ಕೆ ಬಡಿದು ಬೆಂಕಿ ಹತ್ತಿಕೊಳ್ಳುವುದನ್ನು ಕಾಣಬಹುದು.

  ಇನ್ನು ಮೃತಪಟ್ಟ ಪೈಲಟ್‌ನ ಹೆಸರನ್ನು ಅಧಿಕಾರಿಗಳು ಇನ್ನೂ ಬಹಿರಂಗಪಡಿಸಿಲ್ಲ.