ಹಿಜಾಬ್ ಗಾಗಿ ಪತ್ರಕರ್ತೆಯೊಂದಿಗೆ ಸಂದರ್ಶನ ರದ್ದುಗೊಳಿಸಿದ ಇರಾನ್ ಅಧ್ಯಕ್ಷ

•   Fri, Sep 23 2022 02:41:29 PM



• ಇರಾನ್, ಸೆ 23 (DaijiworldNews/MS): ಸಂದರ್ಶನದ ವೇಳೆ ಯುಎಸ್ ಪತ್ರಕರ್ತೆಯೂ ಹಿಜಾಬ್ ಧರಿಸಲು ನಿರಾಕರಿಸಿದ ಕಾರಣ ಇರಾನ್ ಅಧ್ಯಕ್ಷ ಇಬ್ರಾಹಿಂ ರೈಸಿ ಗುರುವಾರ ತಮ್ಮ ನಿಗದಿತ ಸಂದರ್ಶನವನ್ನು ರದ್ದುಗೊಳಿಸಿದ್ದಾರೆ.

  ಹಿಜಾಬ್ ಕಾನೂನುಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಪೊಲೀಸ್ ಕಸ್ಟಡಿಯಲ್ಲಿ ಮಹಿಳೆಯೊಬ್ಬರು ಸಾವನ್ನಪ್ಪಿದ ನಂತರ ಇರಾನ್‌ನಲ್ಲಿ ಭಾರೀ ಪ್ರತಿಭಟನೆಗಳ ನಡುವೆ ಈ ಘಟನೆ ವರದಿಯಾಗಿದೆ.

  ಅಂತಾರಾಷ್ಟ್ರೀಯ ನ್ಯೂಸ್​ ಚಾನೆಲ್​​ನ ಸಿಎನ್‌ಎನ್‌ನ ನಿರೂಪಕಿ ಕ್ರಿಸ್ಟಿಯಾನೆ ಅಮನ್​ಪೋರ್​​ ಸಂದರ್ಶನದ ವೇಳೆ ಹಿಜಾಬ್ ಧರಿಸಿರಲಿಲ್ಲ ಎಂಬ ಕಾರಣಕ್ಕೆ ಇರಾನ್​ ಅಧ್ಯಕ್ಷ ಇಬ್ರಾಹಿಂ ರೈಸಿ ಅವರು ಹಠಾತ್ತನೆ ಸಂದರ್ಶನವನ್ನು ರದ್ದುಗೊಳಿಸಿದ್ದಾರೆ ಎಂದು ವರದಿಯಾಗಿದೆ.

  ಸಿಎನ್‌ಎನ್‌ನ ಮುಖ್ಯ ಅಂತರಾಷ್ಟ್ರೀಯ ನಿರೂಪಕಿ ಕ್ರಿಸ್ಟಿಯಾನೆ ಅಮನ್‌ಪೋರ್ ಅವರ ಸಂದರ್ಶನವನ್ನು ಹಠಾತ್ತನೆಸಂವಾದಕ್ಕಾಗಿ ಹಿಜಾಬ್ ಧರಿಸಲು ನಿರಾಕರಿಸಿದ ಕಾರಣ ಇರಾನ್ ಅಧ್ಯಕ್ಷ ಇಬ್ರಾಹಿಂ ರೈಸಿ ಗುರುವಾರ ಯುಎಸ್ ಪತ್ರಕರ್ತೆಯೊಂದಿಗಿನ ನಿಗದಿತ ಸಂದರ್ಶನವನ್ನು ರದ್ದುಗೊಳಿಸಿದ್ದಾರೆ.

  ಅಮನ್‌ಪೋರ್ ಟ್ವಿಟರ್‌ ನಲ್ಲಿ ಬರೆದುಕೊಂಡಿರುವಂತೆ " ಸಂದರ್ಶನ ವೇಳೆಗೆ ತಲೆಗೆ ಸ್ಕಾರ್ಫ್ ಧರಿಸಲು ಸೂಚಿಸಿಲಾಯಿತು . ಆದರೆ ನಿರಾಕರಿಸಿದ ನಂತರ ಸಂದರ್ಶನವನ್ನು ರದ್ದುಗೊಳಿಸಲಾಯಿತು" ಎಂದು ಹೇಳಿದ್ದಾರೆ.