ಪಾಕ್‌ ಹೆಲಿಕಾಪ್ಟರ್‌ ಬಲೂಚಿಸ್ತಾನದಲ್ಲಿ ಪತನ-ಎಲ್ಲಾ ಆರು ಮಂದಿ ಸಾವು

•   Mon, Sep 26 2022 05:53:22 PM



• ಬಲೂಚಿಸ್ತಾನ, ಸೆ 26 (DaijiworldNews/DB): ಪಾಕಿಸ್ತಾನದ ಸೇನಾ ಹೆಲಿಕಾಪ್ಟರ್‌ ಬಲೂಚಿಸ್ತಾನದಲ್ಲಿ ಪತನಗೊಂಡಿದ್ದು, ಪೈಲಟ್‌ ಸೇರಿ ಹೆಲಿಕಾಪ್ಟರ್‌ನಲ್ಲಿದ್ದ ಎಲ್ಲಾ ಆರು ಮಂದಿ ಮೃತಪಟ್ಟಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಇಬ್ಬರು ಮೇಜರ್ ಶ್ರೇಣಿಯ ಅಧಿಕಾರಿಗಳು, ಮೂವರು ವಿಶೇಷ ರಕ್ಷಣಾ ಗುಂಪು ಕಮಾಂಡೋಗಳು ಹಾಗೂ ಪೈಲಟ್‌ ಹೆಲಿಕಾಪ್ಟರ್‌ನಲ್ಲಿದ್ದರು. ಬಲೂಚಿಸ್ತಾನ ಪ್ರಾಂತ್ಯದ ಹರ್ನೈ ಬಳಿ ಕಾರ್ಯಾಚರಣೆ ವೇಳೆ ಹೆಲಿಕಾಪ್ಟರ್ ಪತನಗೊಂಡಿದ್ದು, ದುರಂತಕ್ಕೆ ಕಾರಣ ತಿಳಿದು ಬಂದಿಲ್ಲ ಎಂದು ಸೇನೆಯ ಸಾರ್ವಜನಿಕ ಸಂಪರ್ಕ ಇಲಾಖೆ ತಿಳಿಸಿರುವುದಾಗಿ ವರದಿಯಾಗಿದೆ.

  ಘಟನೆ ಕುರಿತು ಪಾಕಿಸ್ತಾನದ ಪತ್ರಕರ್ತರೊಬ್ಬರು, ಬಲೂಚಿಸ್ತಾನದಲ್ಲಿ ಪಾಕ್‌ನ ಮತ್ತೊಂದು ಹೆಲಿಕಾಪ್ಟರ್‍ ಪತನವಾಗಿದೆ. ಇದು ತುಂಬಾ ದುರದೃಷ್ಟಕರ ವಿಚಾರ ಎಂದು ಟ್ವೀಟ್ ಮಾಡಿದ್ದಾರೆ.