ಹಾರಾಡುತ್ತಿದ್ದ ವಿಮಾನಕ್ಕೆ ಗುಂಡು ತಗುಲಿ ಪ್ರಯಾಣಿಕನಿಗೆ ಗಾಯ

•   Mon, Oct 03 2022 10:27:32 AM



• ಮಯನ್ಮಾರ್ , ಅ 03 (DaijiworldNews/MS): ನೆಲದಲ್ಲಿ ಹಾರಿಸಿದ ಗುಂಡು ಆಗಸದಲ್ಲಿ ಹಾರಾಡುತ್ತಿದ್ದ ವಿಮಾನದ ಕಿಟಕಿ ಗಾಜನ್ನು ಬೇಧಿಸಿ ಪ್ರಯಾಣಿಕನಿಗೆ ತಗುಲಿ ಗಾಯಗೊಂಡ ಘಟನೆ ಮಯನ್ಮಾರ್ ವರದಿಯಾಗಿದೆ. ಪ್ರಯಾಣಿಕ ಗಾಯಗೊಂಡಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಮಯನ್ಮಾರ್ ನ್ಯಾಷನಲ್ ಏರ್ಲೈನ್ಸ್ನ ವಿಮಾನ ಲೊಯ್ಕ್ವ್ ನಗರದ ವಿಮಾನ ನಿಲ್ದಾಣ ಸಮೀಪಿಸುತ್ತಿದ್ದಾಗ ನೆಲದಿಂದ ಹಾರಿಸಲಾದ ಗುಂಡು ವಿಮಾನದ ಕಿಟಕಿಯ ಮೂಲಕ ತೂರಿಬಂದು ಪ್ರಯಾಣಿಕನ ಮುಖದ ಬಲಭಾಗಕ್ಕೆ ಅಪ್ಪಳಿಸಿದ್ದು ಆತ ಗಾಯಗೊಂಡಿದ್ದಾನೆ. ಆ ಸಂದರ್ಭ ವಿಮಾನ ನೆಲದಿಂದ ಸುಮಾರು 3000 ಅಡಿ ಮೇಲಿತ್ತು. ಕೂಡಲೇ ವಿಮಾನವನ್ನು ಲೊಯಿಕಾವ್‌ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್‌ ಮಾಡಿದ್ದಾರೆ.

  ಗಾಯಗೊಂಡಿದ್ದ ಪ್ರಯಾಣಿಕನನ್ನು ಆಸ್ಪತ್ರೆಗೆ ಸಾಗಿಸಲಾಗಿದ್ದು ಆತ ಚೇತರಿಸಿಕೊಂಡಿದ್ದಾನೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಕಾಯಾ ರಾಜ್ಯದ ಬಂಡುಕೋರರ ಗುಂಪು ಈ ಕೃತ್ಯ ಎಸಗಿರಬಹುದು ಎಂದು ಮ್ಯಾನ್ಮಾರ್‌ ಸರ್ಕಾರ ಆರೋಪಿಸಿದೆ. ಆದರೆ ಈ ಆರೋಪವನ್ನು ಬಂಡುಕೋರರ ಗುಂಪು ತಳ್ಳಿಹಾಕಿದೆ.