ಶ್ವೇತಭವನದಲ್ಲಿ ದೀಪಾವಳಿ ಸಂಭ್ರಮಾಚರಣೆ

•   Tue, Oct 25 2022 08:36:21 AM



• ವಾಷಿಂಗ್ಟನ್, ಅ 25 (DaijiworldNews/MS): ಅಮೆರಿಕದ ಅಧ್ಯಕ್ಷ ಜೋ ಬೈಡೆನ್‌ ಹಾಗೂ ಪ್ರಥಮ ಮಹಿಳೆ ಡಾ.ಜಿಲ್‌ ಬೈಡೆನ್‌ ಅವರು ಶ್ವೇತಭವನದಲ್ಲಿ ಸೋಮವಾರ ದೀಪಾವಳಿ ಸಂಭ್ರಮಾಚರಣೆ ಮಾಡಿದರು.

  ಜಾರ್ಜ್‌ ಬುಷ್‌ ಅವರು ಅಧ್ಯಕ್ಷರಾಗಿದ್ದಾಗ ಪ್ರಾರಂಭಿಸಿದ ವೈಟ್‌ಹೌಸ್‌ನ ದೀಪಾವಳಿ ಆಚರಣೆಯಲ್ಲಿ ಈ ಬಾರಿಯದು ಅತಿ ದೊಡ್ಡ ಕಾರ್ಯಕ್ರಮವೆನಿಸಿದೆ.

  ದೀಪಾವಳಿ ಸಂಭ್ರಮಾಚರಣೆಯಲ್ಲಿ ಅಧ್ಯಕ್ಷ ಜೋ ಬೈಡೆನ್‌ ಹಾಗೂ ಅವರ ಪತ್ನಿ , ಭಾರತೀಯ ಸಮುದಾಯದ ಪ್ರಮುಖರು, ಉನ್ನತ ಅಧಿಕಾರಿಗಳು ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ದೀಪ ಬೆಳಗಿದರು. ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್‌ ಅವರೂ ಹಾಜರಿದ್ದರು.

  ʻʻಇದು ಶ್ವೇತಭವನದಲ್ಲಿ ಆಚರಿಸಲಾಗುತ್ತಿರುವ ಇದುವರೆಗಿನ ಅತಿ ದೊಡ್ಡ ದೀಪಾವಳಿ ಹಬ್ಬ. ದಕ್ಷಿಣ ಏಷ್ಯಾದ ಈ ವಿಶಿಷ್ಟ ಸಮುದಾಯವು, ಪ್ರತಿಯೊಬ್ಬರಿಗೂ ಪ್ರಯೋಜನದಾಯಕವಾದ ನಮ್ಮ ಈ ಆರ್ಥಿಕತೆಯನ್ನು ಕಟ್ಟುವಲ್ಲಿ ದೊಡ್ಡ ದೇಣಿಗೆ ನೀಡಿದೆ" ಎಂದು ಬೈಡೆನ್‌ ತಮ್ಮ ಭಾಷಣದಲ್ಲಿ ಹೇಳಿದರು.