ಶಾಪಿಂಗ್ ಸೆಂಟರ್‌ನಲ್ಲಿ ಚೂರಿ ಇರಿತ - ಸ್ಪ್ಯಾನಿಷ್ ಫುಟ್ಬಾಲ್ ಆಟಗಾರ ಸೇರಿ ಐವರಿಗೆ ಗಾಯ, ಓರ್ವ ಮೃತ್ಯು

•   Fri, Oct 28 2022 09:25:37 AM



• ಮಿಲನ್, ಅ 28 (DaijiworldNews/HR): ಶಾಪಿಂಗ್ ಸೆಂಟರ್ ಒಳಗಡೆ ವ್ಯಕ್ತಿಯೊಬ್ಬ ಚಾಕುವಿನಿಂದ ಇರಿದು ಐದು ಮಂದಿಯನ್ನು ಗಾಯಗೊಳಿಸಿರುವ ಘಟನೆ ದಕ್ಷಿಣ ಇಟಲಿಯ ಮಿಲನ್ ನಗರದಲ್ಲಿ ನಡೆದಿದೆ.

  ಘಟನೆಯಲ್ಲಿ ಒಬ್ಬ ಮೃತಪಟ್ಟಿದ್ದು, ಈ ಸಂಬಂಧ ಪೊಲೀಸರು 46 ವರ್ಷ ವಯಸ್ಸಿನ ಇಟಲಿ ಪ್ರಜೆಯೊಬ್ಬನನ್ನು ಬಂಧಿಸಿದ್ದಾರೆ.

  ಘಟನೆಯಲ್ಲಿ ತೀವ್ರವಾಗಿ ಗಾಯಗೊಂಡಿದ್ದ ಸೂಪರ್ ಮಾರ್ಕೆಟ್ ಉದ್ಯೋಗಿ ಆಸ್ಪತ್ರೆಗೆ ಸಾಗಿಸುವ ಮಾರ್ಗ ಮಧ್ಯದಲ್ಲಿ ಮೃತಪಟ್ಟಿದ್ದು, ಗಾಯಗೊಂಡ ಇತರರಲ್ಲಿ ಸ್ಪೇನ್‍ನ ಫುಟ್ಬಾಲ್ ಆಟಗಾರ ಪಾಬ್ಲೊ ಮರಿ ಸೇರಿದ್ದಾರೆ ಎಂದು ತಿಳಿದು ಬಂದಿದೆ.

  ಇನ್ನು ಘಟನೆಗೆ ಸಂಬಂಧಿಸಿದಂತೆ 46 ವರ್ಷ ವಯಸ್ಸಿನ ಇಟಲಿ ಪ್ರಜೆಯನ್ನು ಪೊಲೀಸರು ಬಂಧಿಸಿದ್ದಾರೆ.