ಪಿಟಿಐ ಪಕ್ಷದ ರ್‍ಯಾಲಿ ವೇಳೆ ಗುಂಡು ಹಾರಾಟ-ಪಾಕ್ ಮಾಜಿ ಪ್ರಧಾನಿ ಇಮ್ರಾನ್ ಖಾನ್‌ಗೆ ಗಾಯ

•   Thu, Nov 03 2022 06:26:22 PM



• ಗುಜ್ರಾನ್‌ ವಾಲಾ, ನ 03 (DaijiworldNews/DB): ಪಾಕಿಸ್ತಾನ್‌ ತೆಹ್ರೀಕ್‌ ಇ ಇನ್ಸಾಫ್‌ ಪಕ್ಷದ ರ್‍ಯಾಲಿ ವೇಳೆ ವ್ಯಕ್ತಿಯೋರ್ವ ಗುಂಡು ಹಾರಿಸಿದ್ದು, ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಸಹಿತ ಹಲವರು ಗಾಯಗೊಂಡ ಘಟನೆ ಗುಜ್ರಾನ್‌ ವಾಲಾದಲ್ಲಿ ನಡೆದಿದೆ.

  ಗುಜ್ರಾನ್ ವಾಲಾದಲ್ಲಿ ಪಿಟಿಐ ಪಕ್ಷದ ರ್‍ಯಾಲಿ ನಡೆಯುತ್ತಿದ್ದ ವೇಳೆ ವ್ಯಕ್ತಿ ಏಕಾಏಕಿ ಗುಂಡು ಹಾರಿಸಿದ್ದಾನೆ. ಇದರಿಂದ ರ್‍ಯಾಲಿಯಲ್ಲಿ ಪಾಲ್ಗೊಂಡಿದ್ದ ಇಮ್ರಾನ್ ಖಾನ್, ಪಿಟಿಐ ಮುಖಂಡ ಫೈಸಲ್ ಜಾವೇದ್ ಸೇರಿದಂತೆ ಹಲವರು ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗುಂಡು ಹಾರಿಸಿದಾತನನ್ನು ಬಂಧಿಸಲಾಗಿದೆ ಎಂದು ತಿಳಿದು ಬಂದಿದೆ.

  ಇಮ್ರಾನ್ ಖಾನ್ ಅವರನ್ನೇ ಗುರಿಯಾಗಿಸಿಕೊಂಡು ಮೂರ್‍ನಾಲ್ಕು ಬಾರಿ ಆತ ಗುಂಡು ಹಾರಿಸಿದ್ದಾನೆ. ಖಾನ್ ಇದ್ದ ವಾಹನದ ಮುಂಭಾಗದಲ್ಲೇ ದಾಳಿಕೋರ ಎಕೆ -47 ಹಿಡಿದುಕೊಂಡಿದ್ದ ಎಂದು ಪಕ್ಷದ ನಾಯಕ ಇಮ್ರಾನ್ ಇಸ್ಮಾಯಿಲ್ ತಿಳಿಸಿರುವುದಾಗಿ ವರದಿಯಾಗಿದೆ.

  ಇನ್ನು ಘಟನೆಯನ್ನು ಪಾಕ್ ಪ್ರಧಾನಿ ಶೆಹಬಾಜ್ ಷರೀಫ್ ಖಂಡಿಸಿದ್ದು, ವರದಿ ಕೋರಿದ್ದಾರೆ.